|
|
 |
| (GMT+08:00)
2008-03-20 14:36:12
|
 |
|
ຊາວຈີນແລະຈີນຕ່າງດ້າວຄັດຄ້ານເຈົ້າໜ້າທີ່ໄຕ້ຫວັນຊຸກຍູ້ໃຫ້ຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ"
cri
ຕາມຂ່າວສານຊິ່ນຮວາ: ຫວ່າງມໍ່ໆນີ້, ສະມາຄົມຊາວຈີນແລະຈີນຕ່າງດ້າວຢູ່ລາວ, ອິນໂດເນເຊຍແລະອິນເດຍຕ່າງໄດ້ຄັດຄ້ານເຈົ້າໜ້າທີ່ໄຕ້ຫວັນຊຸກຍູ້ໃຫ້ຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ" ດ້ວຍຮູບການຕ່າງໆ, ເຊັ່ນ: ເຜີຍແຜ່ຖະແຫຼງການແລະຈັດງານສົນທະນາເປັນຕົ້ນ.
ໃນມໍ່ໆມານີ້, ສະມາຄົມຈີນທີ່ນະຄອນຫຼວງວຽງຈັນໄດ້ເຜີຍແຜ່ຖະແຫຼງການກ່ຽວກັບການເດັດດ່ຽວຄັດຄ້ານເຈົ້າໜ້າທີ່ໄຕ້ຫວັນຂອງຈີນຈັດໃຫ້ມີການປ່ອນບັດປະຊາມະຕິເຂົ້າອົງການສະຫະປະຊາຊາດ ໂດຍຂຽນວ່າ: ເຈົ້າໜ້າທີ່ເຊີນຊູຍປຽນຂອງໄຕ້ຫວັນແຫ່ງປະເທດຈີນຕົກລົງຈະຈັດໃຫ້ມີການເຄື່ອນໄຫວລົງປະຊາມະຕິອັນທີ່ເອີ້ນວ່າ: ໃນນາມໄຕ້ຫວັນເຂົ້າອົງການສະຫະປະຊາຊາດ. ພວກເຮົາເຫັນວ່າ: ນີ້ແມ່ນການກະທຳທີ່ມີໂທດກຳແບ່ງແຍກປະເທດຊາດຢ່າງບັງອາດ, ພວກເຮົາສະມາຄົມຊຸກຍູ້ຈີນເປັນເອກະພາບໂດຍສັນຕິແຫ່ງ ສປປ ລາວ ແລະຊາວຈີນຕ່າງດ້າວຢູ່ລາວທັງໝົດສະແດງຄວາມຄັດຄ້ານຢ່າງເດັດດ່ຽວແລະກ່າວປະນາມຢ່າງແຮງກ້າ. ພວກເຮົາເດັດດ່ຽວສະໜັບສະໜູນໃນໂລກນີ້ມີແຕ່ປະເທດຈີນປະເທດດຽວ, ໄຕ້ຫວັນເປັນຜືນແຜ່ນດິນພາກສ່ວນທີ່ບໍ່ອາດແບ່ງແຍກໄດ້ຂອງຈີນ. ການໃຊ້ຂໍ້ອ້າງແນວໃດກໍ່ຕາມ, ຮູບການແນວໃດກໍ່ຕາມມາດຳເນີນການເຄື່ອນໄຫວແບ່ງແຍກປະເທດຊາດລ້ວນແຕ່ເປັນການກະທຳທີ່ເຮັດໃຫ້ຜົນປະໂຫຍດຕົ້ນຕໍຂອງພີ່ນ້ອງຮ່ວມຊາດ 2 ຝັ່ງຊ່ອງແຄບໄຕ້ຫວັນຂອງຈີນຖືກເສຍຫາຍ, ພວກເຮົາລ້ວນແຕ່ເດັດດ່ຽວຄັດຄ້ານແລະກ່າວປະນາມຢ່າງຮຸນແຮງ. ຖະແຫຼງການຍັງຂຽນວ່າ, ພວກເຮົາຊາວຈີນແລະຈີນຕ່າງດ້າວຢູ່ລາວທັງໝົດຈະປະກອບສ່ວນຂອງຕົນເຂົ້າໃນພາລະກິດເພື່ອຊຸກຍູ້ປະເທດຊາດເປັນເອກະພາບໂດຍສັນຕິ.
ນອກນີ້, ວັນທີ 19 ມີນານີ້, ບຸກຄົນສະມາຄົມຄົນຈີນຢູ່ອິນໂດເນເຊຍຫຼາຍຄົນໄດ້ອອກຖະແຫຼງການຮ່ວມ, ກ່າວປະນາມຢ່າງຮຸນແຮງຕໍ່ເຈົ້າໜ້າທີ່ໄຕ້ຫວັນຊຸກຍູ້ໃຫ້ຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ".
ວັນທີ 17 ມີນານີ້, ຜູ້ແທນຊາວຈີນແລະຈີນຕ່າງດ້າວຢູ່ນະຄອນບອມເບໄດ້ຈັດງານສົນທະນາ, ຄັດຄ້ານເຈົ້າໜ້າທີ່ໄຕ້ຫວັນຊຸກຍູ້ໃຫ້ຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ".
|
|
|
