|
ງານກິລາໂອລິມປິກປັກກິ່ງປີ 2008 ຈະຈັດຂຶ້ນໃນເດືອນສິງຫາປີນີ້, ເພື່ອກວດສອບສະໜາມກິລາແຫ່ງຕ່າງໆ, ກວດກາວຽກງານກະກຽມງານກິລາໂອລິມປິກ, ຝຶກຊ້ອມຄວາມພ້ອມໃນການຈັດງານຂອງທີມງານໂອລິມປິກ, ນັບແຕ່ຕົ້ນເດືອນກໍລະກົດປີກາຍນີ້ມາຮອດເວລາທີ່ໃກ້ຈະຈັດງານ, ຈີນໄດ້ຈັດການແຂ່ງຂັນທົດລອງຕ່າງໆທີ່ມີຫົວຂໍ້ວ່າ: ໂຊກດີປັກກິ່ງ. ໃນນັ້ນ, ການແຂ່ງຂັນທົດລອງທີ່ຈັດໃນຫວ່າງມໍ່ໆນີ້ກໍ່ແມ່ນການແຂ່ງຂັນຊິງຂັນໂລກໂດດນ້ຳຂອງສະຫະພັນລອຍນ້ຳສາກົນ ຫຼື FINA ທີ່ສິ້ນສຸດລົງໃນວັນທີ 24 ກຸມພານີ້. ການແຂ່ງຂັນເທື່ອນີ້ແມ່ນການແຂ່ງຂັນສາກົນທີ່ສຳຄັນເທື່ອທີສອງທີ່ຈັດຂຶ້ນຫຼັງຈາກສູນລອຍນ້ຳແຫ່ງຊາດສ້າງສຳເລັດແລະເລີ່ມໃຊ້ການ. ໃນໄລຍະຈັດງານກິລາໂອລິມປິກ, "ກ້ອນນ້ຳ 4 ຫຼ່ຽມ" ຈະຮັບຈັດການແຂ່ງຂັນຕ່າງໆ, ຄື: ການລອຍນ້ຳ, ໂດດນ້ຳແລະລະບຳໃນນ້ຳເປັນຕົ້ນ. ໃນການແຂ່ງຂັນທົດລອງ, ສະໜາມແຂ່ງຂັນລອຍນ້ຳ "ກ້ອນນ້ຳ 4 ຫຼ່ຽມ" ໄດ້ຮັບຜົນແນວໃດນັ້ນ? ຕໍ່ໄປ, ເຊີນຟັງບົດແຈ້ງຂ່າວກ່ຽວກັບເລື່ອງນີ້.
ການແຂ່ງຂັນໂດດນ້ຳຊິງຂັນໂລກອງສະຫະພັນລອຍນ້ຳສາກົນທີ່ຈັດຂຶ້ນແຕ່ວັນທີ 19 ຫາວັນທີ 24 ກຸມພານີ້ແມ່ນພາກສ່ວນອັນສຳຄັນຂອງການແຂ່ງຂັນທົດລອງທີ່ໃຫ້ຊື່ວ່າ "ໂຊກດີປັກກິ່ງ", ແລະກໍ່ແມ່ນການແຂ່ງຂັນສາກົນອັນສຳຄັນເທື່ອທີ 2 ຫຼັງຈາກຫໍສະໜາມລອຍນ້ຳ "ກ້ອນນ້ຳ 4 ຫຼ່ຽມ" ເລີ່ມນ້ຳໃຊ້ແລ້ວ. ໃນໄລຍະແຂ່ງຂັນ, ທ່ານໂຄເນວ ມາຄູເລັສຄູ ປະທານ ສະຫະພັນລອຍນ້ຳສາກົນພ້ອມດ້ວຍຄະນະໄດ້ສຳຫຼວດວຽກງານຕ່າງໆໃນການແຂ່ງຂັນຢູ່ໃນສະໜາມ "ກ້ອນນ້ຳ 4 ຫຼ່ຽມ". ໃນເວລາໃຫ້ສຳພາດຕໍ່ນັກຂ່າວ, ທ່ານເອວດັນ ກົດຟຼີ ເຈົ້າໜ້າທີ່ພະແນກເຕັກນິກສະຫະພັນລອຍນ້ຳສາກົນກ່າວວ່າ.
"ກ້ອນນ້ຳສີ່ຫຼ່ຽມງາມຫຼາຍ, ແມ່ນສິ່ງກໍ່ສ້າງງາມທີ່ສຸດໃນໂລກ, ແມ່ນສິ່ງກໍ່ສ້າງທີ່ໜ້າພູມໃຈຂອງພວກເຮົາ,ຈັດການແຂ່ງຂັນຢູ່ບ່ອນນີ້ເໝາະສົມຫຼາຍ."
ພ້ອມກັນນັ້ນ, ສື່ມວນຊົນຕ່າງໆຂອງໂລກກໍໄດ້ໃຫ້ຄວາມສົນໃຈຫຼາຍຕໍ່"ກ້ອນນ້ຳສີ່ຫຼ່ຽມ". ເພື່ອສະນອງສະພາບແວດລ້ອມການເຮັດວຽກທີ່ສະດວກໃຫ້ແກ່ນັກຂ່າວທີ່ມາຈາກແຫ່ງຕ່າງໆຂອງໂລກ,ສູນຖະແຫຼງຂ່າວຂອງ"ກ້ອນນ້ຳສີ່ຫຼ່ຽມ"ໄດ້ແບ່ງເຂດເຮັດວຽກຂອງສື່ມວນຊົນທຸກເຂດຢ່າງລະອຽດ,ຮັບປະກັນໃຫ້ວຽກງານຂອງນັກຂ່າວບໍ່ລົບກວນກັນ, ແລະມີອາສາສະໝັກທີ່ໄດ້ຮັບການອົບຮົມສົ່ງຂໍ້ມູນຂ່າວສານຕ່າງໆໃຫ້ຢ່າງທັນເວລາໃນໄລຍະການແຂ່ງຂັນ.ນອກນີ້, ສູນຖະແຫຼງຂ່າວຍັງໄດ້ຈັດບ່ອນພັກຜ່ອນເພື່ອໃຫ້ນັກຂ່າວແລກປ່ຽນກັນແລະພັກຜ່ອນ. ທ່ານນິກ ມູເວີນນີ ນັກຂ່າວຂອງຂ່າວສານລອຍເຕີຂອງອັງກິດກ່າວວ່າ:
"ພວກເຮົາຕ້ອງການການບໍລິການຂໍ້ມູນຂ່າວສານທີ່ວ່ອງໄວ, ເຂົາເຈົ້າເຮັດວຽກນີ້ໄດ້ດີຫຼາຍ.ໃນໄລຍະງານກິລາໂອລິມປິກຈະມີນັກຂ່າວຫຼຽຍມາເອົາຂ່າວ, ສະນັ້ນຈິ່ງເວົ້າວ່າມັນແມ່ນວຽກທີ່ຫຍຸ້ງຍາກຫຼາຍ.ການຊ່ອຍເຫຼືອຂອງເຂົາເຈົ້າຈະເຮັດໃຫ້ວຽກຂອງນັກຂ່າວສະດວກຂັ້ນ. ເມື່ອເວົ້າເຖິງອາສາສະໝັກ, ເຂົາເຈົ້າມີທ່າທີທີ່ເປັນມິດແລະຍິດດີໃຫ້ຄວາມຊ່ອຍເຫຼືອແກ່ຜູ້ອື່ນ,ຄວາມຊ່ອຍເຫຼືອຂອງເຂົາເຈົ້າສຳຄັນຫຼາຍຕໍ່ພວກເຮົາ,ສົ່ງຂ່າວໃຫ້ພວກເຮົາຢ່າງທັນເວລາ, ດີຫຼາຍ."
ທ່ານນິກເຫັນວ່າ,ຈຸດປະສົງທີ່ຈັດການແຂ່ງຂັນທົດລອງເທື່ອນີ້ແມ່ນເພື່ອຄົ້ນຫາບັນຫາ,ທ່ານຮູ້ສຶກວ່າອຸນຫະພູມໃນສະໜາມກິລາກ້ອນນ້ຳສີ່ຫຼ່ຽມອ່າວສູງ,ດຽວນີ້,ປັກກິ່ງພໍດີແມ່ນລະດູໜາວ,ງານກິລາໂອລິມປິກແມ່ນຈັດຂຶ້ນໃນລະດູຮ້ອນ,ສະນັ້ນ,ການຄວບຄຸມອຸນຫະພູມໃນສະໜາມແຂ່ງຂັນລອຍນ້ຳນັ້ນຍັງຕ້ອງປັບໃຫ້ເໝາະສົມຕື່ມອີກ.
ຄຽງຄູ່ກັບງານກິລາໂອລິມປິກປັກກິ່ງໃກ້ຈະວຽນມາເຖິງ,ການແຂ່ງຂັນທົດລອງລາຍການຕ່າງໆຍັງຈະຈັດຂຶ້ນຕໍ່ໄປ,ສະໜາມກິລາໂອລິມປິກແຫ່ງຕ່າງໆກໍຈະເລີ່ມນຳໃຊ້ຢ່າງເປັນລຳດັບ.ນະຄອນປັກກິ່ງກຳລັງຮັບການທົດສອບທຸກເທື່ອດ້ວຍທ່າທີອັນຕັ້ງໜ້າ.
|
