|
|
 |
| (GMT+08:00)
2008-03-20 17:35:52
|
 |
|
ການແລກປ່ຽນຮ່ວມມືກັບສາກົນໄດ້ກາຍເປັນປັດໄຈສຳຄັນທີ່ຊຸກຍູ້ວິທະຍາສາດພັດທະນາຢ່າງວ່ອງໄວ
cri
ຕາມຂ່າວ cri:ວັນທີ 20 ມີນານີ້ ສະມາຄົມວິທະຍາສາດເຕັກນິກຂອງຈີນໄດ້ເຜີຍແຜ່ບົດລາຍງານສະບັບຫນຶ່ງກ່າວວ່າ, ການແລກປ່ຽນຮ່ວມມືກັບສາກົນໄດ້ກາຍເປັນປັດໄຈສຳຄັນທີ່ຊຸກຍູ້ວິທະຍາສາດເຕັກນິກຈີນພັດທະນາຢ່າງວ່ອງໄວ.
ບົດລາຍງານກ່າວວ່າ, ການຮ່ວມມືກັບສາກົນໄດ້ຊຸກຍູ້ຢ່າງແຂງແຮງໃນການປະຕິບັດແຜນການຄົ້ນຄວ້າວິທະຍາສາດຂະຫນາດໃຫຍ່ຂອງຈີນ, ຫມາກຜົນວິທະຍາສາດເຕັກນິກສຳຄັນຫລາຍຢ່າງລ້ວນແຕ່ແມ່ນໄດ້ຮັບໃນການຮ່ວມມືຄົ້ນຄວ້າລະຫວ່າງຊາດ.ຕົວຢ່າງຄືດາວທຽມສຳຫລວດຊັບພະຍາກອນຂອງໂລກທີ່ຈີນກັບປາກີສະຖານຮ່ວມມືຄົ້ນຄວ້າຜະລິດນັ້ນ,ປັດຈຸບັນໄດ້ຮັບຜົນດີຫລາຍ,ແລະໄດ້ກາຍເປັນແບບຢ່າງແຫ່ງການຮ່ວມມືໃນຂົງເຂດໄຮເທັກລະຫວ່າງປະເທດໂລກທີສາມ.ນອກນີ້,ນັກວິທະຍາສາດຈີນຍັງໄດ້ຕັ້ງຫນ້າເຂົ້າຮ່ວມໂຄງການຮ່ວມມືຄົ້ນຄວ້າສາກົນທີ່ສຳຄັນເຊັ່ນ ເຄື່ອງປະຕິກອນການເຕົ້າໂຮມຂອງນິວເຄຼຍຮ້ອນສາກົນແລະລະບົບຕິດຕາມສຳຫລວດທະເລທົ່ວໂລກເປັນຕົ້ນ, ໄດ້ຍົກບົດບາດຂອງຈີນໃນຂົງເຂດຄົ້ນຄວ້າວິທະຍາສາດເຕັກນິກທີ່ກ່ຽວຂ້ອງໃຫ້ສູງຂຶ້ນ.
ບົດລາຍງານຍັງຊີ້ອອກວ່າ, ຄວາມສາມາດປະດິດສ້າງໂດຍຕົນເອງຍົກສູງຂຶ້ນແລະຄວາມຕ້ອງການອັນຮີບດ່ວນໃນການພັດທະນາສັງຄົມກໍ່ແມ່ນສາເຫດສຳຄັນທີ່ຊຸກຍູ້ວິທະຍາສາດເຕັກນິກຂອງຈີນພັດທະນາຢ່າງວ່ອງໄວ.
|
|
|
