|
ອາເມລິກາແລະກາຊັກສະຖານຄັດຄ້ານເຈົ້າໜ້າທີ່ໄຕ້ຫວັນຊຸກຍູ້ໃຫ້ຈັດ "ການຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ"
cri
ຕາມຂ່າວ CRI: ວັນທີ 19 ແລະວັນທີ 20 ມີນານີ້, ອາເມລິກາແລະກາຊັກສະຖານຕ່າງໄດ້ກ່າວວ່າ, ຍຶດໝັ້ນນະໂຍບາຍຈີນດຽວ, ຄັດຄ້ານເຈົ້າໜ້າທີ່ໄຕ້ຫວັນຊຸກຍູ້ໃຫ້ຈັດ "ການຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ".
ໃນກອງປະຊຸມຂ່າວທີ່ຈັດຂຶ້ນໃນວັນທີ 19 ມີນານີ້, ທ່ານທ້ອມ ແຄຊີ ຮອງໂຄສົກກະຊວງການຕ່າງປະເທດອາເມລິກາກ່າວວ່າ, ອາເມລິກາຄັດຄ້ານໄຕ້ຫວັນຈັດ "ການຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ". ອາເມລິກາເຫັນວ່າ, ໄຕ້ຫວັນຈັດ "ການຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ" "ອາດຈະເຮັດໃຫ້ສະຖານະການຂອງຊ່ອງແຄບໄຕ້ຫວັນເຄັ່ງຕຶງຂຶ້ນ". ພ້ອມກັນນັ້ນ, ທ່ານຍັງກ່າວວ່າ, ອາເມລິກາຫວັງໃຫ້ສອງຝັ່ງຊ່ອງແຄບດຳເນີນການສົນທະນາ.
ວັນທີ 20 ມີນານີ້, ຢູ່ອັສຕານາ ນະຄອນຫຼວງກາຊັກສະຖານ, ໃນເວລາໃຫ້ສຳພາດຕໍ່ນັກຂ່າວວິທະຍຸ CRI, ທ່ານນູລານ ເຢີເມັກບາເຢັຟ ລັດຖະມົນຕີຊ່ອຍວ່າການກະຊວງການຕ່າງປະເທດກາຊັກສະຖານເວົ້າວ່າ, ກາຊັກສະຖານຄັດຄ້ານການກະທຳແບ່ງແຍກໄຕ້ຫວັນດ້ວຍຮູບການໃດໆ. ທ່ານເຢີເມັກບາເຢັຟ ຊີ້ອອກວ່າ, ກາຊັກສະຖານເຫັນວ່າ ໄຕ້ຫວັນເປັນພາກສ່ວນໜຶ່ງທີ່ແບ່ງແຍກບໍ່ໄດ້ຂອງດິນແດນຈີນ, ລັດຖະບານສາທາລະນະລັດປະຊາຊົນຈີນແມ່ນລັດຖະບານຕາງໜ້າປະຊາຊົນຈີນທີ່ຊອບດ້ວຍກົດໝາຍພຽງລັດຖະບານດຽວ.
|
|
