|
ຕາມຂ່າວCRI: ວັນທີ 21 ມີນານີ້ຢູ່ທີ່ປັກກິ່ງ, ທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນໄດ້ເຈລະຈາກັບທ່ານຢຸມຸງຮວນ ລັດຖະມົນຕີວ່າການກະຊວງການຕ່າງປະເທດແລະການຄ້າສ.ເກົາຫຼີ, ສອງຝ່າຍກ່າວວ່າຈະຮ່ວມກັນພະຍາຍາມ, ເພີ່ມທະວີການແລກປ່ຽນຍຸດທະສາດ, ເປີດກວ້າງການຮ່ວມມືເສດຖະກິດການຄ້າ, ຊຸກຍູ້ການແລກປ່ຽນດ້ານວິຊາການ, ຍົກສູງການພົວພັນລະຫວ່າງຈີນກັບສ.ເກົາຫຼີຕື່ມອີກ, ຊຸກຍູ້ສັນຕິພາບແລະການພັດທະນາຂອງພາກພື້ນແຫ່ງນີ້.
ໃນເວລາກ່າວເຖິງງານກິລາໂອລິມປິກປັກກິ່ງ, ທ່ານຢຸມຸງຮວນກາວວ່າ, ສ.ເກົາຫຼີຈະອອກແຮງສຸດຂີດສະໜັບສະໜູນປັກກິ່ງຈັດງານກິລາໂອລິມປິກຢ່າງສຳເລັດຜົນ, ຄັດຄ້ານການເອົາງານກິລາໂອລິມປິກກ່ຽວພັນກັບການເມືອງ, ເຊື່ອວ່າງານກິລາໂອລິມປິກປັກກິ່ງຈະກາຍເປັນງານມະໂຫລານຂອງອາຊີກໍຄືຂອງໂລກ.
|
