|
|
 |
| (GMT+08:00)
2008-03-21 18:30:33
|
 |
|
ຊາວຕິເບດຢູ່ເຢັນເປັນສຸກໃນທ່າມກາງຄວາມສີວິໄລທັນສະໄຫມແລະເສລີພາບໃນການເຊື່ອຖືສາສະຫນາ
cri
ຕາມຂ່າວສານຊີນຮວາ: ເຂດຕິເບດໃນຊູ່ມື້ນີ້ ປະຊາຊົນຢູ່ເຢັນເປັນສຸກໃນທ່າມກາງຄວາມສີວິໄລທັນສະໄຫມແລະເສລີພາບໃນການເຊື່ອຖືສາສະຫນາ.
ດຽວນີ້ ຕິເບດມີຊຸບເປີມາເກັດແລ້ວ, ປະຊາຊົນຕິເບດບໍ່ຕ້ອງເປັນຫ່ວງວ່າຈະບໍ່ມີອາຫານສົດອີກ.ພ້ອມກັນນັ້ນ, ໂທລະສັບມືຖືແລະອິນເທີແນັດກໍ່ພວມກາຍເປັນພາກສ່ວນຫນຶ່ງທີ່ຂາດເຂີນບໍ່ໄດ້ໃນຊີວິດຮຸ່ນຊາວຫນຸ່ມຂອງຊົນເຜົ່າບູຮານເກົ່າແກ່ເທິງພູພຽງແຫ່ງນີ້.ຊີວິດການເປັນຢູ່ທີ່ທັນສະໄຫມບໍ່ແມ່ນມີແຕ່ຢູ່ໃນຕົວເມືອງທໍ່ນັ້ນ, ແຕ່ໄດ້ຄ່ອຍໆຂະຫຍາຍໄປຮອດເຂດກະສິກຳແລະລ້ຽງສັດທີ່ຫ່າງໄກສອກຫລີກແລ້ວ.
ໃນສອງປີກວ່າແຕ່ໄດ້ປະຕິບັດໂຄງການໃຫ້ຊາວກະສິກອນແລະຊາວລ້ຽງສັດມີເຮືອນຢູ່ເປັນບ່ອນເປັນທີ່ມານີ້,ເຂດປົກຄອງຕົນເອງເຜົ່າຕິເບດໄດ້ລົງທຶນ 7 ຕື້ກວ່າຢວນ,ເຮັດໃຫ້ຊາວກະສິກອນແລະຊາວລ້ຽງສັດເກືອບ 6 ແສນຄົນໄດ້ຮັບຜົນປະໂຫຍດ.ພ້ອມກັນນັ້ນ ລັດຖະບານໄດ້ງົບປະມານກ້ອນໃຫຍ່ປະຕິສັງຂອນວັດວາອາຮາມ, ການເຄື່ອນໄຫວສາສະຫນາປົກກະຕິຂອງຄູບາອາຈານໄດ້ຮັບການສະຫນັບສະຫນູນແລະປົກປັກຮັກສາຈາກລັດ.
ຫວ່າງມໍ່ໆນີ້ ທ່ານຊຽງບາຜິງໂຊ ປະທານເຂດປົກຄອງຕົນເອງຕິເບດ ກ່າວວ່າ, ວຽກງານທຸກລາຍຂອງເຂດຕິເບດໄດ້ຮັບຜົນງານທີ່ບໍ່ເຄີຍມີມາກ່ອນ, ການເຊື່ອຖືສາສະຫນາຂອງຕິເບດໄດ້ຮັບຄວາມເຄົາລົບນັບຖືແລະປົກປັກຮັກສາ, ຕິເບດໄດ້ກ້າວເຂົ້າສູ່ໄລຍະຮຸ່ງເຮືອງແຫ່ງການພັດທະນາໃນປະຫວັດສາດແລ້ວ.
|
|
|
