|
ເວັບໄຊຂອງໂທລະພາບ RTL ເຢຍລະມັນຍອມຮັບວ່າ ການລາຍງານຂ່າວຕໍ່ເຫດການຈະລາຈົນຕິເບດບໍ່ສອດຄ່ອງກັບສະພາບຕົວຈິງ
cri
ຕາມຂ່າວສານຊິ່ນຮວາ: ວັນທີ 23 ມີນານີ້, ເວັບໄຊຂອງໂທລະພາບ RTL ເຢຍລະມັນຖະແຫຼງການຍອມຮັບວ່າການລາຍງານຂ່າວກ່ຽວກັບເຫດການຈະລາຈົນທີ່ເກີດຂຶ້ນຢູ່ເຂດຕິເບດຈີນມີບັນຫາທີ່ບໍ່ຖືກກັບຄວາມຈິງ.
ຫວ່າງມໍ່ໆນີ້, ຂ່າວທາງເວັບໄຊຂອງໂທລະພາບ RTL ເຢຍລະມັນເຄີຍເຜີຍແຜ່ຮູບຖ່າຍອັນໜຶ່ງທີ່ມີຕຳຫຼວດ 4 ຄົນພວມແກວ່ງຄ້ອນໄລ່ຕີຜູ້ແຫ່ຂະບວນ, ແລະອະທິບາຍວ່າ, ແມ່ນຕຳຫຼວດຈີນກຳລັງປາບປາມຜູ້ປະທ້ວງຢູ່ເຂດຕິເບດ. ວັນທີ 23 ມີນານີ້, ເວັບໄຊດັ່ງກ່າວຍອມຮັບວ່າໄດ້ໃສ່ຄຳອະທິບາຍຜິດພາດຕໍ່ຮູບຖ່າຍດັ່ງກ່າວ, ທີ່ຈິງແລ້ວ, ມັນແມ່ນຕຳຫຼວດເນປານຂັບໄລ່ຜູ້ແຫ່ຂະບວນຢູ່ກັດມັນດູໃນວັນທີ 17 ມີນານີ້. ເວັບໄຊຂອງໂທລະພາບ RTL ໄດ້ຍອມຮັບຄວາມຜິດຂອງຕົນດັ່ງກ່າວໃນຖະແຫຼງການ, ແລະສະແດງຄວາມເສຍໃຈຕໍ່ເລື່ອງນີ້.
|
|
