|
ນັກວິຊາການວົງການສື່ມວນຊົນຈີນກ່າວວ່າ:ສື່ມວນຊົນຕາເວັນຕົກຈຳນວນຫນຶ່ງບິດເບືອນເລື່ອງຈິງຂອງເຫດການຈະລາຈົນຢູ່ເມືອງລາຊາ
cri
ຕາມຂ່າວສານຊີນຮວາ: ນັກວິຊາການວົງການສື່ມວນຊົນຈີນກ່າວວ່າ, ໃນເວລາລາຍງານຂ່າວກ່ຽວກັບເຫດການຈະລາຈົນທີ່ເກີດຂຶ້ນຢູ່ເມືອງລາຊາໃນວັນທີ14 ມີນານັ້ນສື່ມວນຊົນຈຳນວນຫນຶ່ງຂອງຝ່າຍຕາເວັນຕົກໄດ້ບິດເບືອນເລື່ອງຈິງ.
ທ່ານກູ້ຊາງຫລິ້ງ ສາສະດາຈານສະຖາບັນສື່ສານມວນຊົນຂອງມະຫາວິທະຍາໄລປະຊາຊົນຈີນກ່າວວ່າ, ໃນການລາຍງານຂ່າວກ່ຽວກັບເຫດການຈະລາຈົນທີ່ເກີດຂຶ້ນຢູ່ລາຊາຂອງສື່ມວນຊົນຕາເວັນຕົກຈຳນວນຫນຶ່ງໄດ້ໃຊ້ການກະທຳທີ່ບໍ່ຖືກຕ້ອງຢ່າງຫລວງຫລາຍ,ເຊິ່ງລວມທັງການດັດແປງຕັດຕໍ່ຮູບຖ່າຍ,ເພື່ອເຮັດໃຫ້ຜູ່ອ່ານຜູ່ຊົມເຂົ້າໃຈຜິດ,ເພື່ອປິ້ນຂາວໃຫ້ເປັນດຳ,ເສກສັນປັ້ນແຕ່ງ; ແລະໃຊ້ຮູບຖ່າຍທີ່ບໍ່ກ່ຽວຂ້ອງກັບເຫດການນີ້ເລີຍ.ທ່ານເຫັນວ່າ, ການເຮັດແບບນີ້ຂອງສື່ມວນຊົນຕາເວັນຕົກແມ່ນຍ້ອນມີອິດທິກຳລັງການເມືອງຈຳນວນຫນຶ່ງເຂົ້າຮ່ວມຢ່າງບໍ່ຕ້ອງສົງໃສ.
ທ່ານອິນຢູ້ນກົງ ຫົວຫນ້າສະຖາບັນສື່ສານມວນຊົນຂອງສະພາບັນດິດວິທະຍາສາດສັງຄົມຈີນກ່າວວ່າ, ຫລັງເກີດເຫດແລ້ວ, ລັດຖບະນຈີນໄດ້ເຜີຍແຜ່ເລື່ອງຈິງຢ່າງວ່ອງໄວ,ຜູ່ນຳລັດຖະບານຈີນຍັງໄດ້ກ່າວໂຕ້ຕອບຕໍ່ກຸ່ມດາໄລລາມະຢູ່ສະຖານທີ່ສາທາລະນະທີ່ສຳຄັນ,ທັງຫມົດເຫລົ່ານີ້ເຮັດໃຫ້ຈີນ ໄດ້ຮັບການສະຫນັບສະຫນູນຈາກຫາງສຽງສາກົນ.
ທ່ານກ່າວວ່າ, ປະຊາຊົນຕິເບດປາຖະຫນາຫາສັນຕິພາບແລະຄວາມຫມັ້ນຄົງ, ສ່ວນສື່ມວນຊົນບາງແຫ່ງທີ່ມີເຈດຈຳນົງແນວອື່ນນັ້ນ, ຈີນຫວັງວ່າຢ່າງຫນ້ອຍເຂົາເຈົ້າຄວນເຄົາລົບເລື່ອງຈິງ, ບໍ່ຄວນເວົ້າທົ່ວທີບ.
|
|
