|
ທ່ານບັນກີມຸນຮຽກຮ້ອງໃຫ້ປະຊາຄົມໂລກຍົກສູງຄວາມສາມາດຕ້ານວັນນະໂຣກ
cri
ຕາມຂ່າວ CRI: ວັນທີ 24 ມີນາແມ່ນວັນປ້ອງກັນວັນນະໂຣກຂອງໂລກ, ທ່ານບັນກີມຸນເລຂາທິການໃຫຍ່ອົງການສະຫະປະຊາຊາດໄດ້ກ່າວຄຳປາໄສ, ຮຽກຮ້ອງໃຫ້ປະຊາຄົມໂລກທຳຄວາມພະຍາຍາມນຳກັນຕ້ານວັນນະໂຣກ.
ໃນຄຳປາໄສ, ທ່ານບັນກີມຸນກ່າວວ່າ,ໂດຍມີຄວາມພະຍາຍາມພ້ອມກັນຂອງປະຊາຄົມໂລກ, ອັດຕາຜູ້ເປັນວັນນະໂຣກໄດ້ຄ່ອຍຫຼຸດລົງ, ແຕ່ຍ້ອນຕົວເລກພື້ນຖານແຫ່ງປະຊາກອນຫຼາຍໂພດ, ປະຈຸບັນ, ຍັງມີຜູ້ເປັນວັນນະໂຣກຕາຍ 4000 ຄົນໃນແຕ່ລະມື້, ຕົວເລກນີ້ເຮັດໃຫ້ຄົນຕື່ນຕົກໃຈ.
ບົດລາຍງານທີ່ອົງການອະນາໄມໂລກເຜີຍແຜ່ໃນຫວ່າງມໍ່ໆນີ້ເຫັນວ່າ, ຖ້າເຊື້ອພະຍາດຂອງວັນນະໂຣກປະສົມກັບເຊື້ອພະຍາດເອດ, ອັດຕາການຕາຍຍັງຈະສູງຂຶ້ນອີກ. ທ່ານບັນກີມຸນແຈ້ງຂ່າວວ່າ, ສະຫະປະຊາຊາດຈະຈັດເວທີປາໄສຜູ້ນຳທົ່ວໂລກກ່ຽວກັບບັນຫາພະຍາດເອດແລະວັນນະໂຣກໃນເດືອນມິຖຸນາປີນີ້ເພື່ອຫວັງຢາກຫຼຸດຜົນຮ້າຍຂອງວັນນະໂຣກທີ່ມີຕໍ່ມວນມະນຸດໂດຍຜ່ານຄວາມພະຍາຍາມຂອງທົ່ວໂລກ.
|
|
