|
|
 |
| (GMT+08:00)
2008-03-25 17:55:04
|
 |
|
ອົງການປ້ອງກັນຄວາມສະຫງົບຂອງຈີນຈັບຕົວຜູ້ຕ້ອງຫາຄະດີກໍ່ຈະລາຈົນ
cri
Author: shuohongmi
ຕາມຂ່າວCRI:ວັນທີ24ມີນານີ້,ກະຊວງປ້ອງກັນຄວາມສະຫງົບຂອງຈີນໄດ້ຈັດກອງປະຊຸມຂ່າວຢູ່ປັກກິ່ງ,ແຈ້ງຜົນການສືບສວນຄະດີຈູດເຜົາສອງລາຍທີ່ເກີດຂຶ້ນຢູ່ນະຄອນລາ ຊາ ເທດສະບານເຂດປົກຄອງຕົນເອງຕິເບດ ເຊິ່ງພາໃຫ້ຫຼາຍຄົນເສຍຊີວິດ.ຜູ້ຕ້ອງຫາ5ຄົນໄດ້ຖືກຈັບຕົວ.
ວັນທີ14ມີນານີ້,ຢູ່ນະຄອນລາຊາໄດ້ເກີດເຫດການຈະລາຈົນທຸບຕີ ທັບມ້າງ ປຸ້ນຈີ້ແລະຈູດເຜົາ.ໃນນັ້ນ,ຄະດີເຜົາຮ້ານເຄື່ອງນຸ່ງອີຊຸນທີ່ເກີດຂຶ້ນຢູ່ນະຄອນລາຊາແລະຄະດີເຜົາຮ້ານ ຂາຍລົດຈັກທີ່ເກີດຂຶ້ນຢູ່ເມືອງຕາຊື່ຕ່າງໄດ້ພາໃຫ້ປະຊາຊົນຜູ້ບໍ່ມີຄວາມຜິດຫຍັງເສຍຊີວິດຫຼາຍຄົນ.ໃນກອງປະຊຸມຂ່າວ,ນາງຊັ້ນຮຸ້ຍໝິນ ໂຄສົກກະຊວງປ້ອງກັນຄວາມສະ ຫງົບຂອງຈີນໄດ້ແຈ້ງສະພາບການຈັບຕົວຜູ້ຕ້ອງຫາສູ່ຟັງ.ນາງກ່າວວ່າ:"ຫວ່າງມໍ່ໆນີ້,ພະແນກປ້ອງກັນຄວາມສະຫງົບຂອງນະຄອນລາຊາໄດ້ຈັບຕົວຜູ້ຕ້ອງຫາ3ຄົນໃນຄະດີເຜົາຮ້ານເຄື່ອງອີຊຸນທີ່ເກີດຂຶ້ນຢູ່ນະຄອນລາຊາ,ແລະຜູ້ຕ້ອງຫາ2ຄົນໃນຄະດີເຜົາຮ້ານຂາຍລົດຈັກທີ່ເກີດຂຶ້ນຢູ່ເມືອງຕາຊື່.ເມື່ອໄດ້ສອບສວນໃນເບື້ອງຕົ້ນແລ້ວ,ຜູ້ຕ້ອງຫາໄດ້ໃຫ້ ການສາລະພາບວ່າ ໄດ້ກະທຳຜິດແທ້."
ຂ່າວແຈ້ງວ່າ,ເວລາ 14 ໂມງ 30 ນາທີຂອງວັນທີ 14 ມີນານີ້ ຜູ່ຕ້ອງຫາສາມຄົນຄື ນາງຊີເມີຍລາຈົ່ງ ນາງປ່ຽນຈີແລະອີກຜູ່ຫນຶ່ງໄດ້ມາຮອດຮ້ານຂາຍເຄື່ອງນຸ່ງອີຊຸນທີ່ຕັ້ງຢູ່ເຂດກາງຂອງຖະຫນົນປັກກິ່ງເມືອງລາຊາ.ໃນເວລານັ້ນ, ປະຕູມ້ວນຂອງຮ້ານນີ້ໄດ້ຖືກຜູ່ກະທຳຜິດຜູ່ອື່ນໆບຸກເຂົ້າແລ້ວ, ເຄື່ອງແລະຊັບສິນໃນຮ້ານນີ້ສ່ວນຫລາຍຖືກປຸ້ນໄປຫມົດ.ຜູ່ຕ້ອງຫາສາມຄົນດັ່ງກ່າວກໍ່ຕ່ອຍກັບໄຟຈູດເຄື່ອງນຸ່ງແລະໄມ້ແຂວນເຄື່ອງນຸ່ງຢູ່ໃນຮ້ານທີ່ຍັງບໍ່ທັນຖືກປຸ້ນໄປນັ້ນສາມເທື່ອຕິດໆກັນ,ເຮັດໃຫ້ຮ້ານຖືກໄຟໄຫມ້ຢ່າງແຮງພາຍໃນເວລາສັ້ນ, ຜູ່ຂາຍເຄື່ອງນຸ່ງເພດຍິງເຜົ່າຮ້ານແລະເຜົ່າຕິເບດໃນຮ້ານນີ້ມີ 5 ຄົນເຊັ່ນ ນາງຢາງຕຸ່ງເຫມີຍແລະນາງຊືເຢີນໂຈກາເປັນຕົ້ນຖືກເຜົາຕາຍ.
ຄະດີຈູດໄຟເຜົາອີກລາຍຫນຶ່ງເກີດຂຶ້ນໃນເວລາ 22 ໂມງຂອງວັນທີ 15 ມີນາ.ໃນເວລານັ້ນ, ໂລ້ຢ້າ ຜູ່ຕ້ອງຫາໄດ້ເຂົ້າຮ່ວມການກໍ່ຈະລາຈົນຢູ່ເມືອງນ້ອຍເຕີຊິ້ງຂອງເມືອງຕາຈື່ຢູ່ລາຊາ,ພາຍຫລັງໄດ້ຈູດໄຟເຜົາຮ້ານຄ້າຮ້ານ ຫນຶ່ງແລ້ວ, ໂລ້ຢາໄດ້ແລ່ນໄປຮ້ານຂາຍລົດຈັກຫລັງຫນຶ່ງ, ພ້ອມກັບກ່າງຈູ ຜູ່ຕ້ອງຫາອີກຜູ່ຫນຶ່ງ,ພັງປະຕູມ້ວນຂອງຮ້ານນີ້ແລະຈູດໄຟເຜົາຮ້ານ.ເມື່ອຮ້ານຖືກໄຟໄຫມ້ແລ້ວ, ໂລ້ຢາແລ່ນໄປຮ້ານຂາຍຂະຫນົມມານເທົາຢູ່ທາງ ຂ້າງ,ຖີ້ມຖັງອາຍແກັສ໊ສອງຖັງເຂົ້າໄປໃນຮ້ານຂາຍລົດຈັກ,ເຮັດໃຫ້ຫ້າຄົນທີ່ລີ້ຢູ່ໃນຊັ້ນສອງຂອງຮ້ານັ້ນເສຍຊີວິດ,ໃນນັ້ນລວມທັງຜົວເມຍຄູ່ຫນຶ່ງພ້ອມກັບລູກຊາຍທີ່ຫາກໍ່ໄດ້ 8 ເດືອນທໍ່ນັ້ນ, ແລະຊ່າງສ້ອມແປງ 2 ຄົນ.
ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ, ກົມໂຄສະນາຂອງກະຊວງປ້ອງກັນຄວາມສະຫງົບໄດ້ເປີດວິດີໂອສຳຫຼວດບ່ອນເກີດເຫດການຂອງສອງຄະດີດັ່ງກ່າວ, ໂຫດຮ້າຍທາລຸນຫຼາຍ.ນາງຊ້ານຮຸ້ຍມິນກ່າວວ່າ:"ການກະທຳຂອງຜູ້ຕ້ອງຫາ 5 ຄົນດັ່ງກ່າວໄດ້ຝ່າຝືນກົດໝາຍຂອງຈີນ.ຄະດີຈູດໄຟເຜົາສອງເທື່ອດັ່ງກ່າວໄດ້ສະແດງໃຫ້ເຫັນອີກເທື່ອໜຶ່ງວ່າ,ເຫດການ '14ມີນາ'ບໍ່ແມ່ນອັນທີ່ເອີ້ນວ່າ'ການແຫ່ຂະບວນຢ່າງສັນຕິ'ຫຼື'ການປະທ້ວງຢ່າງສັນຕິ',ຫາກແມ່ນເຫດການກໍ່ຈະລາຈົນອັນຮ້າຍແຮງ."
ໂດຍອີງຕາມຄຳໃຫ້ການຂອງຜູ້ຕ້ອງຫາທີ່ເຂົ້າຮ່ວມເຫດການຈະລາຈົນ"14ມີນາ"ທີ່ເກີດຂຶ້ນຢູ່ນະຄອນລາຊາ, ເຫດການກໍ່ຈະລາຈົນອັນຮ້າຍແຮງເທື່ອນີ້ແມ່ນກຸ່ມດາໄລລາມະວາງແຜນ,ມີເຈດຈຳນົງຕັ້ງໃນປຸກປັ່ນກໍ່ຂຶ້ນ, ແມ່ນອິດທິກຳລັງແບ່ງແຍກ "ຕິເບດໃຫ້ເປັນເອກະລາດ" ພາຍໃນແລະຕ່າງປະເທດສົມຮູ້ຮ່ວມຄິດກັນກໍ່ຂຶ້ນ.
ການກະທຳຈະລາຈົນຂອງຜູ້ຕ້ອງຫາໄດ້ນຳເອົາຄວາມເສຍຫາຍຢ່າງຫຼວງຫຼາຍມາໃຫ້ຊີວິດແລະຊັບສິນຂອງປະຊາຊົນຕິເບດ,ປະຊາຊົນທີ່ບໍ່ມີຄວາມຜິດຫຍັງ 18ຄົນຖືກໄຟເຜົາຕາຍຫຼືຖືກຟັນຕາຍ,ຄວາມເສຍຫາຍໂດຍກົງຫຼາຍກວ່າ300ລ້ານຢວນ.
ປະຈຸບັນ, ວຽກງານສຳຫຼວດສອງຄະດີຈູດໄຟເຜົາດັ່ງກ່າວຍັງພວມດຳເນີນຢູ່.ຕາມການສືບສວນເບື້ອງຕົ້ນ,ຜູ້ຕ້ອງຫາ 5 ຄົນໄດ້ໃຫ້ການ.
|
|
|
