|
ດາວທຽມ"ຊາງເອີເລກ 1"ຄາດວ່າຈະສຳເລັດການຖ່າຍຮູບຜິວດ້ານນອກທັງໝົດຂອງດວງຈັນໃນເດືອນສິງຫາປີນີ້
cri
Author: cai
ຕາມຂ່າວCRI:ວັນທີ 25 ມີນານີ້,ຢູ່ປັກກິ່ງ,ທ່ານລວນເອິ່ນເຈຍ ຜູ້ບັນຊາການໃຫຍ່ໂຄງການສຳຫຼວດດວງຈັນຂອງຈີນເປີດເຜີຍວ່າ,ດາວທຽມສຳຫຼວດດວງຈັນ"ຊາງເອີເລກ 1"ຄາດວ່າຈະສຳເລັດການຖ່າຍຮູບຜິວດ້ານນອກທັງໝົດຂອງດວງຈັນໃນເດືອນສິງຫາປີນີ້.
ທ່ານລວນເອິ່ນເຈຍກ່າວວ່າ,ປະຈຸບັນ,ດາວທຽມ"ຊາງເອີເລກ 1"ເຮັດວຽກເປັນປົກກະຕິ.ເພື່ອໃຫ້ມັນໄດ້ຮັບພະລັງແສງຕາເວັນຢ່າງພຽງພໍ,ຫວ່າງກ່ອນນີ້ບໍ່ດົນ,ນັກວິທະຍາສາດໄດ້ປັບປຸງລະບົບເຮັດວຽກຂອງມັນ,ແລະໄດ້ປິດເຄື່ອງສຳຫຼວດສ່ວນໜຶ່ງທີ່ບັນຈຸຢູ່ໃນດາວທຽມ,ເຄື່ອງສຳຫຼວດເຫຼົ່ານີ້ຈະຟື້ນຟູການເຮັດວຽກໃນເດືອນພຶດສະພາປີນີ້.
ດາວທຽມ"ຊາງເອີເລກ 1"ແມ່ນເອົາຊື່ຂອງນາງຊາງເອີເທບທິດາໃນເທບນິຍາຍບູຮານຂອງຈີນມາຕັ້ງເປັນຊື່,ແມ່ນດາວທຽມສຳຫຼວດດວງຈັນໜ່ວຍທຳອິດທີ່ຈີນຄົ້ນຄວ້າຜະລິດແລະສົ່ງຂຶ້ນດ້ວຍຕົນເອງ,ໄດ້ສົ່ງຂຶ້ນສູ່ອະວະກາດໃນວັນທີ 24 ຕຸລາປີກາຍນີ້.
|
|
