|
|
 |
| (GMT+08:00)
2008-03-25 18:21:15
|
 |
|
ບົດວິເຄາະຂ່າວຂອງຂ່າວສານຊີນຮວາຂຽນວ່າ ກຸ່ມດາໄລລາມະທຳລາຍງານກິລາໂອລິມປິກບໍ່ຖືກໃຈຄົນ
cri
Author: cai
ຕາມຂ່າວCRI:ວັນທີ 25 ມີນານີ້,ຂ່າວສານຊີນຮວາ ຂ່າວສານແຫ່ງລັດຈີນໄດ້ພິມບົດວິເຄາະຂ່າວຂຽນວ່າ,ກຸ່ມດາໄລລາມະທຳລາຍງານກິລາໂອລິມປິກບໍ່ຖືກໃຈຄົນ.
ບົດວິເຄາະຂ່າວຂຽນວ່າ,ປະຈຸບັນ,ປະຊາຊົນເຜົ່າຕ່າງໆຂອງຈີນພວມກຽມງານກິລາໂອລິມປິກປັກກິ່ງດ້ວຍຄວາມຈູບຈ້າວຫ້າວຫັນ.ແຕ່ວ່າ,ກຸ່ມດາໄລລາມະຊ້ຳພັດຖືງານກິລາໂອລິມປິກປັກກິ່ງເປັນໂອກາດທີ່ຫາຍາກທີ່ສຸດເພື່ອເຮັດໃຫ້ການເຄື່ອນໄຫວຕິເບດເປັນເອກະລາດຫັນເປັນບັນຫາສາກົນ.ໃນເດືອນມັງກອນປີນີ້,ໃນເວລາໃຫ້ສຳພາດຕໍ່ນັກຂ່າວ,ດາໄລລາມະໄດ້ຮຽກຮ້ອງອີກໃຫ້ຜູ້ສະໜັບສະໜູນຂອງເຂົາແຫ່ຂະບວນສະແດງກຳລັງໃນໄລຍະງານກິລາໂອລິມປິກປັກກິ່ງ,ແລະສວຍໂອກາດນີ້ມາໂຄສະນາຕິເບດເປັນເອກະລາດ."ສະມາຄົມຊາວໜຸ່ມຕິເບດ"ເຊິ່ງເປັນອົງການທີ່ມີອິດທິກຳລັງໃຫຍ່ກວ່າໝູ່ໃນກຸ່ມດາໄລລາມະຈົນກະທັ້ງເວົ້າວ່າຈະດຳເນີນການເຄື່ອນໄຫວຕິເບດເປັນເອກະລາດດ້ວຍຮູບການລັດທິກໍ່ການຮ້າຍ.
ບົດວິເຄາະຂ່າວຂຽນວ່າ,ຄົນທັງຫຼາຍໄດ້ຮູ້ແລ້ວວ່າ,ໃນທົ່ວໂລກບໍ່ມີປະເທດໃດເຫັນວ່າຕິເບດມີຫຼັກອ້າງອີງເປັນເອກະລາດ,ກໍ່ບໍ່ມີລັດຖະບານປະເທດໃດຮັບຮອງອັນທີ່ວ່າ"ລັດຖະບານພັດຖິ່ນ"ຂອງດາໄລລາມະ.ບົດວິເຄາະຂ່າວຂຽນວ່າ,ປັກກິ່ງຈັດງານກິລາໂອລິມປິກປີ 2008 ແມ່ນສິດສັກສິດທີ່ປະຊາຊົນທົ່ວໂລກໃຫ້ຈີນ.ກຸ່ມດາໄລລາມະຢາກເຮັດໃຫ້ງານກິລາໂອລິມປິກປັກກິ່ງຫັນເປັນບັນຫາການເມືອງແມ່ນຈະເສຍໄຊຢ່າງແນ່ນອນ.
|
|
|
