|
ການຈະໄປຢ້ຽມຢາມລາວໃນໄວໆນີ້ຂອງທ່ານເວີ່ນເຈ່ຍປາວ ນາຍົກລັດຖະມົນຕີຈີນມີຄວາມໝາຍອັນສຳຄັນ
cri
ຕາມຂ່າວ CRI: ວັນທີ 26 ມີນານີ້, ຢູ່ທີ່ປັກກິ່ງ, ທ່ານເຮີຢ້າເຟີ່ຍ ຜູ້ຊ່ວຍລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ການຈະເດີນທາງໄປຢ້ຽມຢາມລາວໃນໄວໆນີ້ຂອງທ່ານເວີ່ນເຈ່ຍປາວ ນາຍົກລັດຖະມົນຕີຈີນມີຄວາມໝາຍສຳຄັນຫຼາຍ.
ທ່ານເຮີຢ້າເຟີ່ຍກ່າວວ່າ, ໃນໄລຍະຢ້ຽມຢາມ, ທ່ານເວີ່ນເຈ່ຍປາວ ຈະພົບປະກັບຜູ້ນຳຂອງລາວ, ສະເໜີຂໍ້ສະເໜີກ່ຽວກັບການສືບຕໍ່ລົງເລິກການຮ່ວມມືສອງຝ່າຍໃນອະນາຄົດ, ຊຸກຍູ້ສອງປະເທດໃຫ້ໄດ້ຮັບຄວາມຄືບໜ້າໃໝ່ໃນການຮ່ວມມືໃນຂົງເຂດສຳຄັນ. ໃນເວລາເຂົ້າຮ່ວມກອງປະຊຸມສຸດຍອດຄັ້ງທີ 3 ຂອງຜູ້ນຳປະເທດອະນຸພາກພື້ນແມ່ນ້ຳຂອງຫຼື GMS, ທ່ານເວີ່ນເຈ່ຍປາວ ນາຍົກລັດຖະມົນຕີຈີນຈະບັນລະບາຍທ່າທີຂອງຈີນທີ່ມີຕໍ່ການຮ່ວມມື GMS ແລະການພັດທະນາໃນອະນາຄົດ, ແລະສະເໜີຂໍ້ລິເລີ່ມແລະມາດຕະການຕ່າງໆ.
ທ່ານເຮີຢ້າເຟີ່ຍກ່າວວ່າ, ລັດຖະບານຈີນສຸດທິເອົາໃຈໃສ່ນຳການຮ່ວມມື GMS, ການເພີ່ມທະວີການຮ່ວມມື GMS ບໍ່ພຽງແຕ່ມີຜົນດີຕໍ່ການພັດທະນາຂອງຈີນ, ແຕ່ຍັງຈະສົ່ງຜົນສະທ້ອນອັນສຳຄັນຕໍ່ການພັດທະນາດ້ານເສດຖະກິດຂອງປະເທດຕ່າງໆຂອງອະນຸພາກພື້ນແມ່ນ້ຳຂອງ.
GMS ສ້າງຕັ້ງຂຶ້ນໃນປີ 1992, ປະເທດສະມາຊິກລວມທັງ 6 ປະເທດຄື: ຈີນ, ກຳປູເຈຍ, ລາວ, ມຽນມາ, ໄທແລະຫວຽດນາມ, ມີຈຸດປະສົງເພື່ອເພີ່ມທະວີການພົວພັນດ້ານເສດຖະກິດ, ຫຼຸດຜ່ອນຄວາມທຸກຍາກແລະຊຸກຍູ້ການພັດທະນາ.
|
|
