|
|
 |
| (GMT+08:00)
2008-03-26 19:02:59
|
 |
|
ເຂດຕິເບດໄດ້ຮັບໝາກຜົນຂອງການປະຕິຮູບແລະໄຂປະຕູສູ່ພາຍນອກຂອງຈີນ
cri
Author: cai
ຕາມຂ່າວສານຊີນຮວາ:ໃນຫຼາຍປີມານີ້,ເຂດປົກຄອງຕົນເອງຕິເບດຈີນໄດ້ເຈາະຈົງແກ້ໄຂບັນຫາຊີວິດການເປັນຢູ່ຂອງປະຊາຊົນ,ລະດັບແລະຄຸນນະພາບຊີວິດການເປັນຢູ່ຂອງປະຊາຊົນໃນຕົວເມືອງແລະຊົນນະບົດໄດ້ສູງຂຶ້ນຢ່າງເດັ່ນຊັດ,ປະຊາຊົນເຂດຕິເບດໄດ້ຮັບໝາກຜົນຂອງການປະຕິຮູບ ໄຂປະຕູສູ່ພາຍນອກແລະການພັດທະນາຂອງສັງຄົມຢ່າງເຕັມທີ່.
ໃນ 5 ປີທີ່ຜ່ານມາ,ເຂດປົກຄອງຕົນເອງຕິເບດໄດ້ລົງທຶນ 8 ຕື້ 200 ລ້ານກວ່າຢວນເພື່ອພັດທະນາການສຶກສາ,ເຜີຍແຜ່ການສຶກສາພາກບັງຄັບເຖິງຕົວເມືອງແລະຊົນນະບົດທົ່ວເຂດ.ນັບແຕ່ປີ 2006 ເປັນຕົ້ນມາ,ນັບລວມແລ້ວ,ເຂດຕິເບດໄດ້ລົງທຶນຫຼາຍກວ່າ 1 ຕື້ 300 ລ້ານຢວນເພື່ອປະຕິບັດໂຄງການສ້າງທີ່ພັກພາອາໄສໃຫ້ຊາວກະສິກອນແລະຊາວລ້ຽງສັດ.ປີ 2007,ເຂດຕິເບດໄດ້ສ້າງລະບຽບການຮັບປະກັນຄ່າຄອງຊີບຕ່ຳສຸດສຳລັບຊາວກະສິກອນ.ນອກນີ້,ຊາວກະສິກອນແລະຊາວລ້ຽງສັດທັງໝົດຂອງເຂດຕິເບດລ້ວນແຕ່ມີການຮັບປະກັນດ້ານການປິ່ນປົວທີ່ຖືການປິ່ນປົວຟີເປັນພື້ນຖານ,ໄດ້ຮັບປະກັນການປິ່ນປົວຂອງປະຊາຊົນຕົວເມືອງແລະຊົນນະບົດໃນທົ່ວເຂດກ່ອນໝູ່ຢູ່ຈີນ.
ໃນຂະນະທີ່ສ້າງລະບົບນະໂຍບາຍການປະກອບອາຊີບແລະການປະກອບອາຊີບຄືນໃໝ່ໃຫ້ສົມບູນຂຶ້ນ,ໃນ 5 ປີມານີ້,ນັບລວມແລ້ວ,ເຂດປົກຄອງຕົນເອງຕິເບດໄດ້ລົງທຶນ 5 ຕື້ 200 ລ້ານກວ່າຢວນເຂົ້າໃນການປະກັນສັງຄົມ,ໄດ້ສ້າງລະບົບປະກັນສັງຄົມທີ່ອ່າວສົມບູນຂຶ້ນ.
|
|
|
