|
|
 |
| (GMT+08:00)
2008-03-27 18:24:18
|
 |
|
ທ່ານຫູຈີນທາວ ປະທານປະເທດຈີນໂທລະສັບກັບທ່ານຈອດ ບຸສ ປະທານາທິບໍດີອາເມລິກາ
cri
ຕາມຂ່າວສານຊິ່ນຮວາ: ຕອນຄ່ຳວັນທີ 26 ມີນານີ້, ທ່ານຫູຈີນທາວ ປະທານປະເທດຈີນໄດ້ລົມໂທລະສັບກັບທ່ານຈອດ ບຸສ ປະທານາທິບໍດີອາເມລິກາ.
ກ່ຽວກັບບັນຫາໄຕ້ຫວັນ, ທ່ານຫູຈີນທາວຊົມເຊີຍທ່ານບຸສແລະລັດຖະບານອາເມລິກາທີ່ກ່າວຢ້ຳຫຼາຍເທື່ອວ່າຍຶດໝັ້ນນະໂຍບາຍປະເທດຈີນດຽວ, ເຄົາລົບຖະແຫຼງການຮ່ວມ 3 ສະບັບລະຫວ່າງຈີນກັບອາເມລິກາ, ຄັດຄ້ານ "ໄຕ້ຫວັນເປັນເອກະລາດ", ຄັດຄ້ານໄຕ້ຫວັນຈັດ "ການປ່ອນບັດຢັ່ງປະຊາມະຕິເພື່ອເຂົ້າເປັນສະມາຊິກສະຫະປະຊາຊາດ", ຄັດຄ້ານໄຕ້ຫວັນເຂົ້າເປັນສະມາຊິກສະຫະປະຊາຊາດແລະຫຼັກໝັ້ນຈະແຈ້ງທີ່ມີແຕ່ປະເທດອະທິປະໄຕເທົ່ານັ້ນຈຶ່ງສາມາດເຂົ້າຮ່ວມອົງການສາກົນໄດ້. ທ່ານຫູຈີນທາວຫວັງໃຫ້ຈີນກັບອາເມລິກາສືບຕໍ່ທຳຄວາມພະຍາຍາມພ້ອມກັນເພື່ອຮັກສາສັນຕິພາບແລະຄວາມໝັ້ນທ່ຽງຂອງຊ່ອງແຄບໄຕ້ຫວັນ.
ກ່ຽວກັບເຫດການຈະລາຈົນທີ່ເກີດຂຶ້ນຢູ່ນະຄອນລາຊາໃນຫວ່າງມໍ່ໆນີ້, ທ່ານຫູຈີນທາວຊີ້ອອກວ່າ, ເຫດການເທື່ອນີ້ບໍ່ແມ່ນອັນທີ່ເອີ້ນວ່າ "ການແຫ່ຂະບວນໂດຍສັນຕິ" ຫຼື "ການເຄື່ອນໄຫວທີ່ບໍ່ໃຊ້ຄວາມຮຸນແຮງ" ຄືກຸ່ມດາໄລລາມະເວົ້າ, ຫາກແມ່ນການເຄື່ອນໄຫວຜິດກົດໝາຍທີ່ໃຊ້ຄວາມຮຸນແຮງຢ່າງຮ້າຍແຮງແທ້ໆ. ໂດຍແນໃສ່ຈັດການກັບການສ້າງເຫດການຮຸນແຮງທີ່ໄດ້ລ່ວງລະເມີດສິດທິມະນຸດຢ່າງຮ້າຍແຮງ, ລົບກວນຄວາມສະຫງົບໃນສັງຄົມຢ່າງຮ້າຍແຮງ, ທຳລາຍຄວາມປອດໄພຕໍ່ຊີວິດແລະຊັບສິນຂອງປະຊາຊົນຢ່າງຮ້າຍແຮງ, ບໍ່ວ່າລັດຖະບານໃດກໍ່ບໍ່ສາມາດນັ່ງເສີຍໄດ້.
ທ່ານຫູຈີນທາວກ່າວເນັ້ນວ່າ, ມີແຕ່ພະດາໄລລາມະປະຖິ້ມເຈດຈຳນົງທີ່ຢາກໃຫ້ "ຕິເບດເປັນເອກະລາດ", ຢຸດເຊົາການເຄື່ອນໄຫວແບ່ງແຍກປະເທດຊາດເທົ່ານັ້ນ, ລັດຖະບານຈີນຈຶ່ງຈະຍິນດີສືບຕໍ່ຕິດຕໍ່ພົວພັນແລະເຈລະຈາກັບເພິ່ນ.
|
|
|
