|
CRIລາຍງານວ່າ: ເຫດການຈະລາຈົນທີ່ເກີດຂຶ້ນຢູ່ນະຄອນລາຊາເທດສະບານເຂດປົກຄອງຕົນເອງຕິເບດໃນກາງເດືອນມີນານີ້,ຖືກວົງການຕ່າງໆໃນສັງຄົມຕິເບດເຊັ່ນບຸກຄົນວົງການສາສະໜາຊາວເມືອງແລະນັກວິຊາການກ່າວປະນາມຢ່າງຮຸນແຮງ.ເຂົາເຈົ້າພາກັນກ່າວວ່າ,ຄວາມໂຫດຮ້າຍປ່າເຖື່ອນຂອງກຸ່ມຄົນບໍ່ດີໄດ້ລະເມີດນ້ຳໃຈມະນຸດສະທຳ,ທຳລາຍໝາກຜົນແຫ່ງການກໍ່ສ້າງຂອງນະຄອນລາຊາທີ່ໄດ້ມາບໍ່ງ່າຍ.ເຂົາເຈົ້າຮຽກຮ້ອງຢ່າໃຫ້ເກີດເຫດການຄ້າຍຄືກັນນີ້ອີກ,ໃຫ້ປະຊາຊົນມີສະພາບການດຳລົງຊີວິດທີ່ສະຫງົບຄືນ
ພະເຖລະ ດຸບຄາງ ຕຸບດັນເຄດຸບ ປະທານພຸດທະສະມາຄົມຈີນສາຂາຕິເບດກ່າວວ່າ,ພະສົງຂອງວັດສ່ວນໜ້ອຍບໍ່ຮຽນຄຳພິ,ບໍ່ເຄົາລົບທຳມະວິໄນຂອງສາສະໜາ,ທຳລາຍຜົນປະໂຫຍດພື້ນຖານຂອງວົງການສາສະໜາແລະປະຊາຊົນຜູ່ເຊື່ອຖືສາສະໜາອັນໄພສານ.ເພິ່ນວ່າ:
"ຂ້າພະເຈົ້າໄດ້ເຫັນພະສົງທີ່ໃສ່ຜ້າຄຸມຈຳນວນໜ້ອຍຮ່ວມກັບພວກຄົນບໍ່ດີທຸບຕີ ທັບມ້າງ ທຳລາຍແລະປຸ້ນຈີ້, ໃນຂະນະທີ່ຮູ້ສຶກຕື່ນຕົກໃຈນັ້ນ ຂ້າພະເຈົ້າຍັງຮູ້ສຶກອັບອາຍຫຼາຍ.ການກະທຳແນວນີ້ໄດ້ຝ່າຝືນນ້ຳໃຈມະນຸດສະທຳຢ່າງສິ້ນເຊິງ,ບໍ່ສອດຄ່ອງກັບທຳມະວິໄນ.ໃນຖານະເປັນພຸດທະສາສະນິກະຊົນ,ພວກຂ້າພະເຈົ້າຄວນເພີ່ມທະວີການຄຸ້ມຄອງຕົນເອງແລະບຳເພັນທຳຂອງຕົນ,ຕາມທີ່ຮູ້ກັນແລ້ວູວ່າ,ປັດຈຸບັນ,ປະຊາຊົນຕິເບດດຳລົງຊີວິດຢ່າງມີຄວາມຜາສຸກ,ວັດທະນະທຳພຸດທະສາສະໜາຈະເລີນຮຸ່ງເຮືອງ.ຫວັງໃຫ້ລັດຖະບານລົງໂທດການກະທຳຜິດກົດໝາຍຂອງກຸ່ມຄົນບໍ່ດີເຫຼົ່ານີ້ຕາມກົດໝາຍ."
ລຸງໂຊເດັຼກ ຊາວເມືອງລາຊາກ່າວວ່າ:"ຕອນບ່າຍວັນທີ14ມີນານີ້,ຢູ່ລະຫວ່າງທາງທີ່ກັບບ້ານ,ຂ້ອຍໄດ້ເຫັນສະພາບຕ່າງໆທີ່ໜ້າຕື່ນຕົກໃຈແລະອົດທົນບໍ່ໄດ້.ປະຊາຊົນຕິເບດກຳລັງດຳລົງຊີວິດທີ່ສະຫງົບສຸກ,ພວກກໍ່ຈະລາຈົນສ່ວນໜ້ອຍທີ່ສຸດໄດ້ເຄື່ອນໄຫວກະທຳຜິດຕ່າງໆ ເຊັ່ນ ທຸບຕີ ທັບມ້າງ ປຸ້ນຈີ້ ຈູດເຜົາເປັນຕົ້ນໃນທົ່ວນະຄອນລາຊາ,ນີ້ແມ່ນຂ້ອຍເຫັນກັບຕາ.ພວກເຂົາເຈົ້າໄດ້ສ້າງຄວາມເສຍຫາຍທີ່ນັບບໍ່ຄົບຖ້ວນໃຫ້ແກ່ຊີວິດແລະຊັບສິນ ຂອງປະຊາຊົນ,ໄດ້ທຳລາຍຄວາມເປັນລະບຽບ ຮຽບຮ້ອຍແລະຄວາມສະຫງົບຂອງສັງຄົມລາຊາ.ພວກເຮົາຮຽກຮ້ອງຢ່າງແຮງກ້າວ່າ,ລັດຖະບານຕ້ອງລົງໂທດພວກກໍ່ການຈະລາຈົນເຫຼົ່ານີ້ຢ່າງເຂັ້ມງວດແລະວ່ອງໄວ,ເຮັດໃຫ້ພວກເຮົາມີສະພາບແວດລ້ອມສັງຄົມທີ່ສະຫງົບສຸກຄືນໃໝ່."
ທ່ານດູຄາ ເຊຣີງ ນັກວິຊາການຂອງສູນຄົ້ນຄວ້າຕິເບດສຶກສາຂອງຈີນທີ່ໄດ້ຄົ້ນຄວ້າບັນຫາສາສະໜາໃນໄລຍະຍາວນານບອກວ່າ, ເປັນເວລາດົນນານມາແລ້ວທີ່ລັດຖະບານຈີນສຸດທິເອົາໃຈໃສ່ນຳພຸດທະສາສະໜາຕິເບດ, ໃຊ້ງົບປະມານຫຼວງຫຼາຍ, ຄຳແລະເງິນຫຼວງຫຼາຍເພື່ອປະຕິສັງຂອນວັດວາອາຮາມແລະສະຖານທີ່ສາສະໜາຕ່າງໆ, ເຊັ່ນ: ວັງບຸດຕາລາ, ວັດທາຊີຮຸນໂພ, ວັດໂຈກຮາງເປັນຕົ້ນ. ປະຈຸບັນ, ວັດວາອາຮາມແລະສາສະນະສະຖານທີ່ເປີດຕໍ່ພາຍນອກຂອງຕິເບດມີ 1787 ແຫ່ງ, ຄຳພີພຸດທະສາສະໜາສຳຄັນກໍ່ໄດ້ຮັບການປົກປັກຮັກສາແລະເກັບມ້ຽນຢ່າງຖືກຕ້ອງຕາມຫຼັກວິທະຍາສາດ, ພ້ອມກັນນັ້ນ, ລັດຖະບານຈີນຍັງເອົາໃຈໃສ່ນຳຊີວິດການເປັນຢູ່ຂອງພະສົງສາມະເນນ, ແລະກຳລັງຈະຈັດເອົາພະສົງເຂົ້າໃນລະບົບປະກັນສັງຄົມ. ທ່ານດູຄາ ເຊຣີງກ່າວວ່າ,
ການສຶກສາຄົ້ນຄວ້າຂອງຂ້າພະເຈົ້າສາມາດຢືນຢັນໄດ້ວ່າ, ກຸ່ມດາໄລລາມະແມ່ນຜູ້ອັນຕະລາຍທີ່ສຸດທີ່ຈະຂັດຂວາງຄວາມເປັນລະບຽບຮຽບຮ້ອຍທາງພຸດທະສາສະໜາຂອງຕິເບດ, ການຟື້ນຟູວັດທະນະທຳທີ່ເປັນມູນເຊື້ອຂອງເຜົ່າຕິເບດ, ການສຶກສາຂອງເຜົ່າຕິເບດແລະການຮັກສາຄວາມໝັ້ນທ່ຽງຂອງເຂດຕິເບດ.
|
