|
|
 |
| (GMT+08:00)
2008-03-28 10:30:52
|
 |
|
ແບັກແດັດຈະຫ້າມສັນຈອນໃນຍາມກາງຄືນ
cri
Author: m
ຕາມຂ່າວ CRI: ວັນທີ 27 ມີນານີ້, ກອງທັບປ້ອງກັນຄວາມປອດໄພອີຣັກກັບ "ທະຫານມັຮດີ"ເຊິ່ງເປັນກຳລັງປະກອບອາວຸດຂອງນິກາຍຊີອະສືບຕໍ່ຕໍ່ສູ້ກັນຢູ່ນາສຣາ ເມືອງພາກໃຕ້ແລະແບັກແດັດ ນະຄອນຫຼວງອີຣັກ, ຫຼາຍບ່ອນຢູ່ນະຄອນແບກແດດຖືກປືນໃຫຍ່ໂຈມຕີ.
ຢູ່ບາສຣາ, "ທະຫານມັຮດີ" ໄດ້ຍຶດຄອງຄ້າຍແຫ່ງໜຶ່ງຂອງກອງທັບປ້ອງກັນຄວາມປອດໄພໃນໄລຍະໜຶ່ງ, ນອກນັ້ນ, ຍັງມີຜູ້ສະໜັບສະໜູນທ່ານມຸກທາດາ ອາ ຊາດ ຜູ້ນຳ "ທະຫານມັຮດີ" ຈັດການແຫ່ຂະບວນສະແດງກຳລັງ, ຮຽກຮ້ອງໃຫ້ລັດຖະບານຢຸດເຊົາການໂຈມຕີທາງການທະຫານແລະສະໜອງການຮັບປະກັນຊີວິດພື້ນຖານ. ວັນທີ 27 ມີນານີ້, "ທະຫານມັຮດີ" ຍັງໄດ້ໂຈມຕີສຸເຫຼົ່າອິສຣາມຂອງນິກາຍປໍລະປັກກັນຢູ່ໃນນະຄອນແບກແດດ, ຕໍ່ສູ້ກັນກັບກອງທັບປ້ອງກັນຄວາມປອດໄພທີ່ປ້ອງກັນໂບດອິສລາມ. ນອກນັ້ນ, "ທະຫານມັຮດີ" ຍັງໄດ້ເກີດການປະທະກັນກັບທະຫານອາເມລິກາ.
ເພື່ອປ້ອງກັນບໍ່ໃຫ້ເກີດການປະທະກັນຫຼາຍກວ່າເກົ່າ, ມື້ດຽວກັນ, ກອງທັບປ້ອງກັນຄວາມປອດໄພອີຣັກປະກາດວ່າ, ແບກແດດຈະຫ້າມສັນຈອນໃນຍາມກາງຄືນແຕ່ 23 ໂມງວັນທີ 27 ມີນານີ້ຮອດເວລາ 5 ໂມງຕອນຂ້ອນແຈ້ງວັນທີ 30 ມີນານີ້.
|
|
|
