|
|
 |
| (GMT+08:00)
2008-03-28 17:17:29
|
 |
|
ກອງປະຊຸມເປິກສາຫາລືເຈົ້າໜ້າທີ່ອາວຸໂສຈີນກັບອາຊຽນເທື່ອທີ 14 ຈັດຂຶ້ນຢູ່ບຼູໄນ
cri
ຕາມຂ່າວສານຊິ່ນຮວາ: ວັນທີ 26 ຫາວັນທີ 28 ມີນານີ້, ກອງປະຊຸມເປິກສາຫາລືເຈົ້າໜ້າທີ່ອາວຸໂສຈີນກັບອາຊຽນເທື່ອທີ 14 ໄດ້ຈັດຂຶ້ນຢູ່ເຊລີເບກາວັນ ນະຄອນຫຼວງບຼູໄນ. ທ່ານອູຮົງໂປ່, ຜູ້ຊ່ອຍລັດຖະມົນຕີວ່າການກະຊວງການຕ່າງປະເທດຈີນ, ເຈົ້າໜ້າທີ່ອາວຸໂສຈາກກະຊວງການຕ່າງປະເທດ 10 ປະເທດອາຊຽນແລະຮອງເລຂາທິການໃຫຍ່ອາຊຽນໄດ້ເຂົ້າຮ່ວມກອງປະຊຸມ.
ກອງປະຊຸມໄດ້ທວນຄືນຄວາມຄືບໜ້າທີ່ໄດ້ຮັບໃນການພົວພັນລະຫວ່າງຈີນກັບອາຊຽນໃນ 1 ປີທີ່ຜ່ານມາ, ໄດ້ຫາລືແນວຄິດແລະມາດຕະການເພື່ອຊຸກຍູ້ໃຫ້ປະຕິບັດຄວາມເຫັນທີ່ເປັນເອກະສັນກັນຂອງຜູ້ນຳຈີນກັບອາຊຽນໃນປີກາຍນີ້ຢ່າງຕັ້ງໜ້າ, ລົງເລິກການພົວພັນຄູ່ຮ່ວມມືຍຸດທະສາດທີ່ມຸ່ງໜ້າສູ່ສັນຕິພາບແລະຄວາມຈະເລີນຮຸ່ງເຮືອງ. ສອງຝ່າຍຍັງໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບສະພາບພັດທະນາຂອງໃຜລາວ, ການຮ່ວມມືອາຊີຕາເວັນອອກ, ພ້ອມດ້ວຍບັນຫາສາກົນແລະພາກພື້ນທີ່ສອງຝ່າຍສົນໃຈຮ່ວມກັນ.
ນອກນີ້, ຝ່າຍຕ່າງໆທີ່ກ່ຽວຂ້ອງຍັງໄດ້ແລກປ່ຽນຄວາມເຫັນກ່ຽວກັບການພ້ອມກັນຊຸກຍູ້ໃຫ້ຈັດຕັ້ງປະຕິບັດ "ຖະແຫຼງການເຄື່ອນໄຫວຂອງຝ່າຍຕ່າງໆໃນທະເລຈີນໃຕ້".
|
|
|
