|
ສ.ປ.ປເກົາຫຼີຕິຕຽນທ່າທີຂອງອາເມລິກາທີ່ຂັດຂວາງຂະບວນການແກ້ໄຂບັນຫານິວເຄຼຍຂອງແຫຼມເກົາຫຼີ
cri
ຕາມຂ່າວ CRI: ວັນທີ 28 ມີນານີ້, ສື່ມວນຊົນສ.ເກົາຫຼີແຂ້ງຂ່າວວ່າ, ວັນທີ 28 ມີນານີ້, ໂຄສົກກະຊວງການຕ່າງປະເທດສ.ປ.ປເກົາຫຼີກ່າວວ່າ, ຖ້າອາເມລິກາຍັງສືບຕໍ່ແກ່ຍາວເວລາແກ້ໄຂບັນຫານິວເຄຼຍແຫຼມເກົາຫຼີ, ຂັ້ນຕອນທີ່ຈະເຮັດໃຫ້ສິ່ງກໍ່ສ້າງນິວເຄຼຍຜະລິດບໍ່ໄດ້ຄືນອີກຂອງສ.ປ.ປເກົາຫຼີຈະຖືກກະທົບຢ່າງຮ້າຍແຮງ.
ໂຄສົກຜູ້ນີ້ກ່າວວ່າ, ຍ້ອນອາເມລິກາບໍ່ພຽງແຕ່ບໍ່ໄດ້ປະຕິບັດຕາມຄຳໝັ້ນສັນຍາຕ່າງໆທີ່ເຄີຍໃຫ້ໄວ້, ເຊັ່ນ: ຍົກເລີກການລົງໂທດຕໍ່ສ.ປ.ປເກົາຫຼີເປັນຕົ້ນ, ແລະຍັງໄດ້ສະເໜີຄວາມຮຽກຮ້ອງທີ່ບໍ່ສົມເຫດສົມຜົນກ່ຽວກັບບັນຫາການລາຍງານຂໍ້ມູນນິວເຄຼຍຕະຫຼອດ, ເຮັດໃຫ້ການປະຕິບັດ "ເອກະສານຮ່ວມ 3 ຕຸລາ" ຕົກຢູ່ໃນສະພາບຢຸດສະງັກ. ທ່ານຍັງກ່າວວ່າ, ສ.ປ.ປເກົາຫຼີບໍ່ມີແຜນການກັ່ນເອົາທາດຢູເຣນຽນຂຸ້ນ, ແລະກໍ່ບໍ່ໄດ້ດຳເນີນການຮ່ວມມືດ້ານນິວເຄຼຍກັບປະເທດອື່ນໆ, ໃນຕໍ່ໜ້າ, ກໍ່ຈະບໍ່ເຮັດແນວນີ້.
ນອກນີ້, ຍັງມີຂ່າວແຈ້ງວ່າ, ວັນທີ 28 ມີນານີ້, ຝ່າຍທະຫານສ.ເກົາຫຼີຢືນຢັນວ່າ, ຕອນເຊົ້າມື້ດຽວກັນ, ສ.ປ.ປເກົາຫຼີໄດ້ທົດລອງຍິງຂີປະນາວຸດໄລຍະສັ້ນຫຼາຍໜ່ວຍໄປສູ່ທະເລເຫຼືອງ.
|
|
