|
|
 |
| (GMT+08:00)
2008-03-28 18:18:07
|
 |
|
ໜັງສືພິມ"ເຢີນມີນຢື້ປ້າວ"ຂອງຈີນຕີລາຄາຢ່າງຕັ້ງໜ້າຕໍ່ການຮ່ວມມືດ້ານເສດຖະກິດໃນອະນຸພາກພື້ນແມ່ນ້ຳຂອງ
cri
Author: cai
ຕາມຂ່າວສານຊີນຮວາ:ນັບແຕ່ວັນທີ 30 ຫາວັນທີ 31 ມີນານີ້,ກອງປະຊຸມສຸດຍອດເທື່ອທີ 3 ກ່ຽວກັບການຮ່ວມມືດ້ານເສດຖະກິດໃນອະນຸພາກພື້ນແມ່ນ້ຳຂອງຫຼື GMS ຈະຈັດຂຶ້ນຢູ່ນະຄອນຫຼວງວຽນຈັນຂອງສ.ປ.ປ.ລາວ. ວັນທີ 28 ມີນານີ້,ໜັງສືພິມ"ເຢີນມີນຢື້ປ້າວ"ຂອງຈີນໄດ້ພິມບົດຄວາມທີ່ພາດຫົວເລື່ອງວ່າ"ສາຍພານຂອງມິດຕະພາບທີ່ມີມູນເຊື້ອແລະການຮ່ວມມືໃນພາກພື້ນ".
ບົດຄວາມຊີ້ອອກວ່າ,ໃນ 16 ປີມານີ້,ການຮ່ວມມືດ້ານເສດຖະກິດໃນອະນຸພາກພື້ນແມ່ນ້ຳຂອງໄດ້ຮັບໝາກຜົນອັນອຸດົມສົມບູນ,ເຮັດໃຫ້ອະນຸພາກພື້ນຢູ່ແຖວໜ້າຂອງອາຊີໃນການເຕີບໂຕເສດຖະກິດ.ການຮ່ວມມືໃນອະນຸພາກພື້ນແມ່ນ້ຳຂອງເຮັດໃຫ້ປະຊາຊົນໃນເຂດເປັນຜູ້ໄດ້ຮັບຜົນປະໂຫຍດຫຼາຍກວ່າໝູ່,ເຮັດໃຫ້ປະເທດຕ່າງໆຕ່າງຝ່າຍຕ່າງມີຜົນປະໂຫຍດ,ໄດ້ປະກອບສ່ວນອັນຕັ້ງໜ້າເພື່ອຊຸກຍູ້ການພັດທະນາຂອງເສດຖະກິດແລະສັງຄົມໃນອະນຸພາກພື້ນແມ່ນ້ຳຂອງ.
ບົດຄວາມໄດ້ຝາກຄວາມຫວັງຫຼາຍຕໍ່ກອງປະຊຸມສຸດຍອດເທື່ອທີ 3 ກ່ຽວກັບການຮ່ວມມືດ້ານເສດຖະກິດໃນອະນຸພາກພື້ນແມ່ນ້ຳຂອງທີ່ຈະຈັດຂຶ້ນໃນໄວໆນີ້.ບົດຄວາມເຫັນວ່າ,ກອງປະຊຸມເທື່ອນີ້ມີຄວາມໝາຍສຳຄັນຕໍ່ປະເທດຕ່າງໆໃນອະນຸພາກພື້ນໃນການຊຸກຍູ້ການປະຕິບັດການຮ່ວມມືຕ່າງໆ ຮັດແໜ້ນການພົວພັນໝູ່ຄູ່ແລະບັນລຸຄວາມຈະເລີນຮຸ່ງເຮືອງພ້ອມກັນ.
|
|
|
