|
|
 |
| (GMT+08:00)
2008-03-28 19:07:09
|
 |
|
ຜົນສຳເລັດໃນການສ້າງສາທັນສະໄໝຂອງເຂດຕິເບດແມ່ນປະຕິເສດບໍ່ໄດ້
cri
Author: cai
ຕາມຂ່າວສານຊີນຮວາ:ຫວ່າງກ່ອນນີ້,ໃນເວລາໃຫ້ສຳພາດຕໍ່ນັກຂ່າວ,ທ່ານຈາໂລ ຜູ້ຊ່ຽວຊານບັນຫາຊົນເຜົ່າສະພາບັນດິດວິທະຍາສາດສັງຄົມຈີນກ່າວວ່າ,ຜົນສຳເລັດໃນການສ້າງສາທັນສະໄໝຂອງເຂດຕິເບດແມ່ນປະຕິເສດບໍ່ໄດ້.
ທ່ານຈາໂລກ່າວວ່າ,ຫວ່າງມໍ່ໆນີ້,ສື່ມວນຊົນຝ່າຍຕາເວັນຕົກແຫ່ງໜຶ່ງໄດ້ພິມບົດຄວາມຂຽນວ່າ,ຊາວເຜົ່າຕິເບດຫຼາຍຄົນຄອງຄອຍບັນລຸທັນສະໄໝໂດຍຕະຫຼອດ,ແຕ່ຄຽງຄູ່ກັບຄວາມປາຖະໜາບໍ່ໄດ້ກາຍເປັນຄວາມຈິງ,ເຂົາເຈົ້າໄດ້ເສຍໃຈຫຼາຍຕໍ່ໂຄງປະກອບທີ່ບໍ່ໄດ້ພິຈາລະນາເຖິງຜົນປະໂຫຍດຂອງເຂົາເຈົ້າ.ຖ້ອຍຄວາມທີ່ບິດເບືອນຄວາມຈິງດັ່ງກ່າວແມ່ນການປິ້ນດຳເປັນຂາວຢ່າງສິ້ນເຊິງ.
ທ່ານຈາໂລກ່າວວ່າ,ນັບແຕ່ເຂດຕິເບດໄດ້ຮັບການປົດປ່ອຍໂດຍສັນຕິໂດຍສະເພາະແມ່ນດຳເນີນການປະຕິຮູບແລະໄຂປະຕູສູ່ພາຍນອກມານີ້,ບາດກ້າວການສ້າງສາທັນສະໄໝໄດ້ໄວເຂົ້າຢ່າງບໍ່ຢຸດຢັ້ງ,ທາງລົດໄຟຊີ່ງໄຫຕິເບດໄດ້ສ້າງສຳເລັດແລະເປີດໃຫ້ແລ່ນນັ້ນໄດ້ເພີ່ມພະລັງຊີວິດອັນແຂງແຮງໃຫ້ແກ່ການເລັ່ງລັດການພັດທະນາຕົວເມືອງແລະຊົນນະບົດເຂດຕິເບດຫຼາຍກວ່າເກົ່າ.ຍ້ອນສາເຫດທຳມະຊາດແລະສັງຄົມເປັນຕົ້ນ,ການພັດທະນາເສດຖະກິດຂອງເຂດຕິເບດເລີ່ມຕົ້ນອ່າວຊ້າ,ແຕ່ຍ້ອນປະຊາຊົນບັນດາເຜົ່າຮ່ວມກັນພະຍາຍາມ,ຍັງໄດ້ຮັບຜົນສຳເລັດຢ່າງຫຼວງຫຼາຍທີ່ຄົນທົ່ວໂລກໄດ້ເຫັນ,ແລະສະແດງໃຫ້ເຫັນຄວາມຊີວິດຊີວາ.ຄວາມຈິງເຫຼົ່ານີ້,ຜູ້ໃດກໍ່ປະຕິເສດບໍ່ໄດ້.
|
|
|
