|
ຈີນຈະສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນເພື່ອຊຸກຍູ້ການແກ້ໄຂບັນຫາດາຟູຢ່າງເໝາະສົມ
cri
Author: shuo
ຕາມຂ່າວCRI:ວັນທີ1ເມສານີ້,ຢູ່ທີ່ປັກກິ່ງ,ທ່ານນາງຈ່ຽງຢູ ໂຄສົກກະຊວງການຕ່າງປະເທດຈີນກ່າວວ່າ,ຈີນຈະສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນເພື່ອຊຸກຍູ້ການແກ້ໄຂບັນຫາດາຟູຂອງຊູດັງຢ່າງເໝາະສົມ.
ໃນກອງປະຊຸມຂ່າວປະຈຳ,ທ່ານນາງຈ່ຽງຢູກ່າວວ່າ,ຝ່າຍຈີນໄດ້ເອົາໃຈໃສ່ນຳສະຖານະການເຂດດາຟູຢ່າງໃກ້ຊິດຕະຫຼອດມາ,ສະໜັບສະໜູນປະຊາຄົມໂລກຊຸກຍູ້ຂະບວນການການເມືອງຂອງເຂດດາຟູ,ສະໜັບສະໜູນວຽກງານໄກ່ເກ່ຍຂອງທູດພິເສດສອງທ່ານຂອງສະຫະປະຊາຊາດແລະສະຫະພາບອາຟະລິກາ,ຫວັງໃຫ້ຝ່າຍຕ່າງທີ່ກ່ຽວຂ້ອງຈົ່ງເຊັນສັນຍາສັນຕິພາບຢ່າງຮອບດ້ານໂດຍໄວ.
ວັນທີ28ມີນານີ້,ຄະນະຜູ້ແທນຈີນປະຈຳສະຫະປະຊາຊາດໄດ້ຕາງໜ້າລັດຖະບານຈີນ,ບໍລິຈາກ5ແສນໂດລາໃຫ້ແກ່"ກອງທຶນສິນເຊື່ອຂະບວນການການເມືອງດາຟູສະຫະປະຊາຊາດ"ເຊິ່ງສະໜອງການສະໜັບສະໜູນດ້ານເງິນທຶນໃຫ້ທູດພິເສດສອງທ່ານດັ່ງກ່າວ.
|
|
