|
ຕາມຂ່າວCRI, ວັນທີ1ເມສານີ້, ສະມັດຊາໃຫຍ່ສະຫະປະຊາຊາດຄັ້ງທີ62ໄດ້ເລີ່ມຈັດກອງປະຊຸມອະພິປາຍເປັນເວລາສອງມື້, ຕົ້ນຕໍແມ່ນຫາລືກັນວ່າຈະເຮັດແນວໃດຊຸກຍູ້ການບັນລຸເປົ້າໝາຍພັດທະນາສະຫັດສະວັດໂດຍໄວ. ທ່ານຊາກຈານ ເຄຣິມ ປະທານສະມັດຊາໃຫຍ່ສະຫະປະຊາຊາດຄັ້ງນີ້ແລະທ່ານບານກີມູນ ເລຂາທິການໃຫຍ່ສະຫະປະຊາຊາດໄດ້ກ່າວປາຖະກະຖາໃນກອງປະຊຸມ, ພວກທ່ານຫວັງໃຫ້ປະຊາຄົມໂລກເຫັນແຈ້ງການທ້າທາຍໃນປະຈຸບັນ, ທຳຄວາມພະຍາຍາມຕື່ມອີກເພື່ອບັນລຸເປົ້າໝາຍໃຫ້ຕາມເວລາກຳນົດ.
ເດືອນກັນຍາປີ2000, ຜູ້ນຳປະເທດຕ່າງໆໄດ້ຜ່ານຖະແຫຼງການສະຫັດສະວັດໃນກອງປະຊຸມສຸດຍອດທີ່ຈັດຂຶ້ນໃນໄລຍະສະມັດຊາໃຫຍ່ສະຫະປະຊາຊາດ, ໂດຍໃຫ້ຄຳໝັ້ນສັນຍາວ່າຈະບັນລຸເປົ້າໝາຍພັດທະນາລະອຽດຂອງ8ໂຄງການພາຍໃນ15ປີ, ເຊັ່ນ ການແກ້ໄຂຄວາມທຸກຍາກແລະອຶດຢາກທີ່ສຸດໃນໂລກ, ເຜີຍແຜ່ການສຶກສາຂັ້ນພື້ນຖານໃຫ້ທົ່ວໄປ, ຮັບປະກັນການພັດທະນາແບບຍືນຍົງເປັນຕົ້ນ. ປະຈຸບັນ, ເວລາກຳນົດໃຫ້ບັນລຸເປົ້າໝາຍສະຫັດສະວັດໄດ້ຜ່ານໄປເຄິ່ງໜຶ່ງແລ້ວ, ປະເທດຕ່າງໆມີຄວາມຄືບໜ້າທີ່ບໍ່ເທົ່າທຽມກັນໃນການບັນລຸເປົ້າໝາຍນີ້. ພ້ອມກັນນັ້ນ, ການປ່ຽນແປງດ້ານດິນຟ້າອາກາດ ລາຄາອາຫານແພງຂຶ້ນແລະເສດຖະກິດໂລກພັດທະນາຊ້າລົງແລະອື່ນໆກໍ່ໄດ້ນຳເອົາການທ້າທາຍໃໝ່ມາໃຫ້ຄວາມພະຍາຍາມທີ່ບັນລຸເປົ້າໝາຍສະຫັດສະວັດ.
ໃນເວລາກ່າວຄຳປາໄສໃນພິທີໄຂກອງປະຊຸມ,ທ່ານບັນກີມູນ ເລຂາທິການໃຫຍ່ສະຫະປະຊາຊາດຊີ້ອອກວ່າ,ປັດຈຸບັນ,ປະຊາຄົມໂລກໄດ້ມີບາງຄວາມຄືບໜ້າບາງຢ່າງແທ້ໃນການພະຍາຍາມເພື່ອບັນລຸເປົ້າໝາຍພັດທະນາສະຫັດສະວັດ,ແຕ່ລະປີໄດ້ກອບກູ້ເອົາຊີວິດຂອງເດັກນ້ອຍ3ລ້ານຄົນ,ຜູ້ເປັນພະຍາດເອດທີ່ໄດ້ຮັບການປິ່ນປົວກໍ່ໄດ້ເພີ່ມຂຶ້ນ2ລ້ານຄົນ.ແຕ່ວ່າ,ປັດຈຸບັນ,ການພັດທະນາໃນທົ່ວໂລກຍັງບໍ່ສະໝ່ຳສະເໝີກັນ,ໂດຍສະເພາະແມ່ນປະກົດການຄວາມທຸກຍາກຢູ່ເຂດອາຟຼິກາເຂດໃຕ້ທະເລຊາຍຊາຮາຣາແມ່ນໜັກໜ່ວງທີ່ສຸດ,ຖ້າສະພາບການໃນປະຈຸບັນຍັງສືບຕໍ່ເປັນແນວນີ້,ເຂດນີ້ຈະບໍ່ສາມາດບັນລຸເປົ້າໝາຍໃດໆໃນ8ເປົ້າໝາຍ.
ເພື່ອຊ່ອຍເຫຼືອອາຟຼິກາໃຫ້ພັດທະນາໄວເຂົ້າ,ເດືອນກັນຍາ ປີກາຍນີ້,ທ່ານບັນກີມູນໄດ້ຕັ້ງໜ່ວຍງານຊີ້ນຳອາຟຼິກາບັນລຸເປົ້າໝາຍພັດທະນາສະຫະສະວັດ,ເພື່ອລະດົມຂົນຂວາຍປະຊາຄົມໂລກສະໜັບສະໜູນອາຟຼິກາຢ່າງເຕັມທີ່.ທ່ານບັນກີມູນຫວັງວ່າ,ປີ2008ຄວນກາຍເປັນບາດລ້ຽງແຫ່ງການບັນລຸເປົ້າໝາຍພັດທະນາສະຫັດສະວັດ,ກາຍເປັນປີພັດທະນາທີ່ສົນໃຈນຳປະຊາກອນ1ຕື້ຄົນທີ່ທຸກຍາກກວ່າໝູ່ໃນທົ່ວໂລກ.
ນັກວິເຄາະຊີ້ອອກວ່າ,ສັງເກດຈາກອງປະຊຸມຕ່າງໆທີ່ຈັດຂຶ້ນຢູ່ສະຫະປະຊາຊາດໃນຫຼາຍປີມານີ້,ໃໃນ10ລາກ່າວຄຳປາໄສ,ແຕ່ຜູ່ຕາງໜ້າປະເທດສະມາຊິກຮອດຜູ່ຕາງໜ້າອົງການທີ່ຈັດຕັ້ງສາກົນກ່ຽວຂ້ອງລ້ວນແຕ່ໄດ້ສະແດງຄວາມຮັບຮູ້ແນວນີ້ໂດຍທົ່ວໄປວ່າ,ຄວາມໝັ້ນຄົງກັບການພັດທະນາສົ່ງຜົນຕໍ່ກັນ,ບໍ່ມີການພັດທະນາ,ຄວາມໝັ້ນຄົງຂອງໂລກກໍ່ຍຶດໝັ້ນຍາວນານບໍ່ໄດ້.ພ້ອມກັນນັ້ນ,ການພັດທະນາກໍ່ບໍ່ພຽງແຕ່ແມ່ນເລື່ອງຂອງປະເທດພວມພັດທະນາເອງທໍ່ນັ້ນ,ປະເທດທີ່ພັດທະນາແລ້ວກໍ່ມີໜ້າທີ່ຮັບຜິດຊອບທີ່ປັດປ່າຍບໍ່ໄດ້ເຊັ່ນກັນ.ສະນັ້ນ,ມີຄົນນັບມື້ນັບຫຼາຍພວມຮຽກຮ້ອງ,ເພື່ອຄວາມກ້າວໜ້າແລະຄວາມຈະເລີນຮຸ່ງເຮືອງຮ່ວມກັນຂອງມະນຸດ,ປະເທດທີ່ກ່ຽວຂ້ອງຄວນບັນລຸຄຳໝັ້ນສັນຍາຂອງຕົນຕື່ມອີກ,ເພີ່ມການຊ່ອຍເຫຼືອຕໍ່ປະເທດພວມພັດທະນາ,ເພື່ອຮ່ວມກັນພະຍາຍາມບັນລຸເປົ້າໝາຍສະຫັດສະວັດ.
|
