|
ທ່ານຫູຈິນທ່າວກ່າວວ່າ,ຈີນຍິນດີເພີ່ມທະວີການແລກປ່ຽນແລະປະສານງານກັບອາເມລິກາໃນດ້ານນະໂຍບາຍເສດຖະກິດມະຫາພາກ
cri
Author: shuo
ຕາມຂ່າວCRI:ວັນທີ2ເມສານີ້,ຢູ່ທີ່ປັກກິ່ງ,ທ່ານຫູຈິນທ່າວ ປະທານປະເທດຈີນໄດ້ພົບປະ ກັບທ່ານເຮັນຣີ ປາວເຊິນ ຜູ້ຕາງໜ້າພິເສດຂອງປະທານາທິບໍດີ ທັງເປັນລັດຖະມົນຕີວ່າ ການກະຊວງການເງິນຂອງອາເມລິກາ.
ໃນການພົບປະ,ທ່ານຫູຈິນທ່າວໄດ້ຕີລາຄາຢ່າງຕັ້ງໜ້າຕໍ່ການຮ່ວມມືດ້ານເສດຖະກິດການຄ້າລະຫວ່າງຈີນກັບອາເມລິກາແລະຄວາມຄືບໜ້າທີ່ໄດ້ຮັບໃນການພົວພັນລະຫວ່າງສອງປະເທດ.ທ່ານກ່າວວ່າ,ຈີນອາເມລິກາໄດ້ຈັດການເຈລະຈາຍຸດທະສາດເສດຖະກິດສາມເທື່ອຢ່າງສຳເລັດຜົນ,ອັນໄດ້ເສີມຂະຫຍາຍບົດບາດສຳຄັນເພື່ອຊຸກຍູ້ການພັດທະນາການຮ່ວມມືດ້ານເສດຖະກິດການຄ້າແລະການພົວພັນລະຫວ່າງຈີນກັບອາເມລິກາ.ຝ່າຍຈີນເອົາໃຈໃສ່ໃນລະດັບສູງຕໍ່ການສ້າງສາແລະບູລະນະກົນໄກການປຶກສາຫາລືແລະປະສານງານລະຫວ່າງສອງປະເທດ ເຊັ່ນ ການເຈລະຈາຍຸດທະສາດເສດຖະກິດຈີນອາເມລິກາເປັນຕົ້ນໃຫ້ສົມບູນຂຶ້ນ.ທ່ານຫູຈິນທ່າວກ່າວວ່າ,ໃນຖານະເປັນສະມາຊິກສຳຄັນໃນລະບົບເສດຖະກິດທົ່ວໂລກ,ຈີນແລະອາເມລິກາຫາບແບກໜ້າທີ່ຮ່ວມທີ່ປົກປັກຮັກສາການພັດ ທະນາເສດຖະກິດທົ່ວໂລກຢ່າງປອດໄສແລະໝັ້ນທ່ຽງ.ຈີນຍິນດີພ້ອມກັນກັບອາເມລິກາ,ເພີ່ມຄວາມໄວ້ເນື້ອເຊື່ອໃຈກັນດ້ານຍຸດທະສາດຢ່າງບໍ່ຢຸດຢັ້ງ,ເປີດກວ້າງການຮ່ວມມືທີ່ຕິດແທດຕົວຈິງ,ແກ້ໄຂບັນຫາອ່ອນໄຫວທີ່ກ່ຽວຂ້ອງ,ຊຸກຍູ້ໃຫ້ການພົວພັນຮ່ວມມືທີ່ມີລັກສະ ນະສ້າງສັນລະຫວ່າງຈີນກັບອາເມລິກາມີການຂະຫຍາຍຕົວຢ່າງປອດໄສແລະໝັ້ນທ່ຽງ.
ທ່ານປາວເຊິນກ່າວວ່າ,ການເຈລະຈາຍຸດທະສາດເສດຖະກິດອາເມລິກາຈີນທີ່ເລີ່ມຕົ້ນ ໂດຍທ່ານປະທານາທິບໍດີບຸສແລະທ່ານປະທານຫູຈິນທ່າວໄດ້ຮັບຜົນສຳເລັດ,ແລະພວມໄດ້ຮັບຄວາມຄືບໜ້າຢ່າງບໍ່ຢຸດຢັ້ງ.ອາເມລິກາເຫັນວ່າ,ເສດຖະກິດຂອງອາເມລິກາແລະຈີນໝູນເດີນຢ່າງດີງາມນັ້ນມີຜົນດີຕໍ່ຝ່າຍກົນກັນຂ້າມ.ຫວັງໃຫ້ສອງຝ່າຍຈົ່ງສືບຕໍ່ທຳຄວາມພະຍາຍາມ,ຊຸກຍູ້ໃຫ້ການເຈລະຈາຍຸດທະສາດເສດຖະກິດແລະການພົວພັນລະ ຫວ່າງຈີນກັບອາເມລິກາສືບຕໍ່ຂະຫຍາຍໄປໜ້າ.
|
|
