|
ງົບປະມານທີ່ໃຊ້ເຂົ້າໃນວຽກງານ "ກະສິກຳ, ຊົນນະບົດແລະຊາວກະສິກອນ" ຂອງເຂດຕິເບດເພີ່ມຂຶ້ນເກືອບ 30%
cri
ຕາມຂ່າວໜັງສືພິມເຢິນມິນຢື້ປ້າວ: ປີ 2008, ງົບປະມານການເງິນຂອງເຂດຕິເບດຈີນຈະໃຊ້ງົບ 2 ຕື້ 7 ແສນຢວນຕໍ່ວຽກງານ "ກະສິກຳ, ຊົນນະບົດແລະຊາວກະສິກອນ", ເພີ່ມຂຶ້ນ 29,5% ເມື່ອທຽບໃສ່ປີກາຍນີ້.
ໃນປະຊາກອນ 2 ລ້ານ 8 ແສນຄົນຂອງເຂດປົກຄອງຕົນເອງຕິເບດ, ມີ 80% ຂຶ້ນໄປແມ່ນຊາວກະສິກອນ. ໃນຫຼາຍປີທີ່ຜ່ານມາ, ການປັບປຸງເງື່ອນໄຂການຜະລິດແລະຊີວິດການເປັນຢູ່ຂອງຊາວກະສິກອນ, ເພີ່ມລາຍໄດ້ໃຫ້ຊາວກະສິກອນແມ່ນໜ້າທີ່ສຳຄັນກວ່າໝູ່ຂອງການພັດທະນາເສດຖະກິດສັງຄົມຂອງເຂດຕິເບດມາໂດຍຕະຫຼອດ.
ເຂດຕິເບດຕັ້ງເປົ້າໝາຍວ່າຮອດປີ 2010, ຊາວກະສິກອນ 80% ຂຶ້ນໄປຈະມີເຮືອນຢູ່ແບບຖາວອນ, ພື້ນຖານໂຄງລ່າງຕ່າງໆຂອງບ້ານບໍລິຫານ, ເຊັ່ນ: ນ້ຳ, ໄຟຟ້າ, ເສັ້ນທາງ, ການສື່ສານ, ວິທະຍຸແລະໂທລະພາບ, ໄປສະນີເປັນຕົ້ນໃຫ້ຄົບຖ້ວນໃນຂັ້ນພື້ນຖານ.
|
|
