ຈີນກ່າວປະນາມຢ່າງຮຸນແຮງຕໍ່ "ອິດທິກຳລັງແບ່ງແຍກເຂດຕິເບດ" ຕັ້ງໃຈທຳລາຍການສົ່ງຕໍ່ທວນໄຟຂອງງານກິລາໂອລິມປິກປັກກິ່ງ
cri
ຕາມຂ່າວສານຊິ່ນຮວາ: ວັນທີ 8 ເມສານີ້, ຢູ່ທີ່ປັກກິ່ງ, ໃນເວລາຕອບຄຳຖາມຂອງນັກຂ່າວກ່ຽວກັບ "ອິດທິກຳລັງແບ່ງແຍກເຂດຕິເບດ" ຕັ້ງໃຈທຳລາຍການສົ່ງຕໍ່ທວນໄຟຂອງງານກິລາໂອລິມປິກປັກກິ່ງຢູ່ລອນດອນແລະປາລີ, ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ຈີນກ່າວປະນາມຢ່າງຮຸນແຮງຕໍ່ "ອິດທິກຳລັງແບ່ງແຍກເຂດຕິເບດ" ທີ່ຕັ້ງໃຈທຳລາຍການສົ່ງຕໍ່ທວນໄຟຂອງງານກິລາໂອລິມປິກປັກກິ່ງ.
ນາງກ່າວວ່າ, ງານກິລາໂອລິມປິກປັກກິ່ງແມ່ນງານກິລາມະໂຫລານຮ່ວມກັນຂອງປະຊາຊົນທົ່ວໂລກ, ທວນໄຟຂອງງານກິລາໂອລິມປິກແມ່ນທວນໄຟຂອງປະຊາຊົນທົ່ວໂລກ. ຈີນກ່າວປະນາມຢ່າງຮຸນແຮງຕໍ່ "ອິດທິກຳລັງແບ່ງແຍກເຂດຕິເບດ" ທີ່ບໍ່ເອົາຫົວຊານຳກົດໝາຍຂອງອັງກິດແລະຝະຣັ່ງ, ຕັ້ງໃຈທຳລາຍການສົ່ງຕໍ່ທວນໄຟຂອງງານກິລາໂອລິມປິກປັກກິ່ງ. ການກະທຳອັນຕ່ຳຊ້າດັ່ງກ່າວໄດ້ຝ່າຝືນນ້ຳໃຈໂອລິມປິກທີ່ສູງສົ່ງ, ແມ່ນການທ້າທາຍຕໍ່ປະຊາຊົນທີ່ຮັກກິລາໂອລິມປິກໃນທົ່ວໂລກ. ຈີນເຊື່ອໝັ້ນວ່າ, ນ້ຳໃຈທີ່ທວນໄຟຂອງງານກິລາໂອລິມປິກນຳໄປຄື "ສັນຕິພາບ, ມິດຕະພາບ, ກ້າວໜ້າ" ແມ່ນບໍ່ມີໃຜຂັດຂວາງໄດ້.
|
|