|
ການສົ່ງຕໍ່ທວນໄຟງານກິລາໂອລິມປິກປັກກິ່ງສຳເລັດລົງຢູ່ບາຣີ,ພາຍຫຼັງໄດ້ເອົາຊະນະການສະແດງກຳລັງແລະການລົບກວນ
cri
Author: shuomin
ຕາມຂ່າວCRI:ວັນທີ7ເມສານີ້,ການສົ່ງຕໍ່ທວນໄຟງານກິລາໂອລິມປິກປັກກິ່ງຈັດຂຶ້ນຢູ່ນະຄອນຫຼວງປາຣີຂອງຝະຣັ່ງ ເຊິ່ງເປັນບ່ອນທີ5.ເຖິງວ່າການສົ່ງຕໍ່ທວນໄຟໄດ້ຖືກພວກຕິເບດເອກະລາດຈຳນວນໜ້ອຍພະຍາຍາມກີດຂວາງກໍຕາມ,ແຕ່ຢູ່ໃນທ່າມກາງສຽງສະໜັບສະໜູນຂອງຊາວຈີນຕ່າງດ້າວແລະເພື່ອນມິດຝະຣັ່ງທີ່ມີຄວາມເປັນທຳ,ທວນໄຟໄດ້ສົ່ງໄປຮອດຈຸດໝາຍປາຍທາງ ຄື ສະໜາມກິລາຊາເລຕີຢ່າງສະດວກ.
ເວລາ17ໂມງ30ນາທີເວລາທ້ອງຖິ່ນ,ຜູ້ສົ່ງຕໍ່ທວນໄຟຜູ້ສຸດທ້າຍໃນການສົ່ງຕໍ່ທວນໄຟຢູ່ປາຣີໄດ້ແລ່ນເຂົ້າສະໜາມກິລາຊາເລຕີ ເຊິ່ງເປັນຈຸດໝາຍປາຍທາງ.ຢູ່ທ່າມກາງສຽງ ເສບສຽງຮ້ອງໂຮຊົມເຊີຍ,ຜູ້ສົ່ງຕໍ່ທວນໄຟຂຶ້ນຢືນຢູ່ເທິງເວທີປະທານ,ໄຕ້ໄຟໃສ່ແທ່ນໄຟສັກສິດ,ບັດນັ້ນຜູ້ຊົມທັງຫຼາຍໄດ້ຕົບມືຢ່າງຟົດໜັ່ນ.ພາຍຫຼັງມາ,ທ່ານຈຽງຊ້ຽວຢູ ຜູ້ບັນຊາການໃຫຍ່ຂອງຄະນະສົ່ງຕໍ່ທວນໄຟງານກິລາໂອລິມປິກທັງເປັນຮອງປະທານຄະນະຈັດ ງານກິລາໂອລິມປິກປັກກິ່ງໄດ້ກ່າວຄຳປາໄສ,ທ່ານກ່າວວ່າ:"ມື້ນີ້,ພວກເຮົາເຊີດຊູໄຟສັກ ສິດໂອລິມປິກມາຮອດປາຣີ,ຈຸດປະສົງແມ່ນເພື່ອເຜີຍແຜ່ນ້ຳໃຈໂອລິມປິກ,ສົ່ງຕໍ່ຄວາມຮັກຂອງນັກກິລາຈີນແລະປະຊາຊົນຈີນທີ່ມີຕໍ່ກິລາໂອລິມປິກ,ແລະຄວາມໂຄລົບນັບຖືຕໍ່ທ່ານປີແອ ເດິ ຄູເບີແຕັງ ປິດາໂອລິມປິກສະໄໝໃໝ່ແລະແນວຄິດຂອງທ່ານ."
ປາຣີແມ່ນບ້ານເກີດຂອງທ່ານຄູເບີແຕັງ,ນີ້ກໍແມ່ນສາເຫດໜຶ່ງທີ່ການສົ່ງຕໍ່ທວນໄຟເທື່ອນີ້ເລືອກເຟ້ນປາຣີເປັນໜຶ່ງໃນທາງຜ່ານ.ຈຸດເລີ່ມຂອງການສົ່ງຕໍ່ທວນໄຟຢູ່ປາຣີແມ່ນຫໍເອຟີວ ທີ່ໃກ້ກັນກັບບ່ອນເກີດຂອງທ່ານຄູເບີແຕັງ.ວັນທີ7ເມສານີ້,ມີນັກທ່ອງທ່ຽວຕ່າງ ປະເທດແລະຊາວປາຣີຈຳນວນຫຼວງຫຼາຍມາເຕົ້າໂຮມຢູ່ຫໍເອຟີວ,ເພື່ອຊົມພິທີ.ມີຜົວເມຍຝະ ຣັ່ງຄູ່ໜຶ່ງພາລູກມາເບິ່ງພິທີ,ໃນເວລາໃຫ້ສຳພາດ,ເຂົາເຈົ້າບອກນັກຂ່າວວ່າ:"ພາບນີ້ງາມຫຼາຍ,ຫໍເຫຼັກປະດັບປະດາດ້ວຍແສງໄຟ,ງາມຫຼາຍ.ນີ້ແມ່ນພິທີທີ່ດີຫຼາຍ."
ແຕ່ວ່າພວກຕິເບດເອກະລາດຈຳນວນໜຶ່ງພັດມີເຈດຕະນາທຳລາຍພິທີນີ້.ພວກເຂົາຈົນເຖິງຂັ້ນຫຼອນໂຈມຕີທວນໄຟແລະຜູ້ສົ່ງຕໍ່ທວນໄຟ.ນາງຈິ່ນຈີ່ງ ນັກກິລາພິ ການແມ່ນຜູ້ສົ່ງຕໍ່ທວນໄຟທີ່ມາຈາກຈີນ,ນາງນັ່ງຍູ້ລໍ້ສຳເລັດການສົ່ງຕໍ່ທວນໄຟ.ໃນເວລາເອົາທວນໄຟໃຫ້ແກ່ຜູ້ສົ່ງຕໍ່ທວນໄຟຜູ້ຕໍ່ໄປ,ນາງຈິ່ນຈິ່ງໄດ້ຖືກພວກຕິເບດເອກະລາດຫຼອນໂຈມຕີ.ທ່ານຮານປີ່ງແມ່ນນາຍພາສາຂອງນາງຈິ່ນຈີ່ງ,ທ່ານນັ່ງຢູ່ໃນລົດຕິດຕາມທີ່ແລ່ນນຳຫຼັງຜູ້ສົ່ງຕໍ່ທວນໄຟ,ທ່ານໄດ້ເຫັນເຫດການທີ່ເກີດຂຶ້ນໃນຕອນນັ້ນ.
"ມີພວກຕິເບດເອກະລາດຈຳນວນໜຶ່ງມາຍາດເອົາທວນໄຟຢູ່ໃນມືຂອງນາງຈິ່ນຈິ່ງ,ແລະຫຼອນໂຈມຕີນາງ,ບາງຄົນຈັບຜົມຂອງນາງແລະດຶງເສື້ອ ດຶງແຂນຂອງນາງ."
ໃຕ້ການປົກປ້ອງຂອງຜູ້ຄຸ້ມກັນການແລ່ນສົ່ງທວນໄຟແລະຕຳຫຼວດ,ພວກຕິເບດເອກະລາດຍາດເອົາທວນໄຟບໍ່ໄດ້,ນາງຈິ່ນຈິ່ງກໍ່ບໍ່ໄດ້ຮັບບາດເຈັບ,ແຕ່ນາງຍັງຮູ້ສຶກຕຶ່ນຕົກໃຈ.ເມື່ອຂຶ້ນລົດຕິດຕາມແລ້ວ,ນາງໄດ້ຮັບການຊົມເຊີຍຈາກຜູ້ສົ່ງຕໍ່ທວນໄຟຝະຣັ່ງທັງຫຼາຍ, ແລະທຸງຊາດຈີນທີ່ປິວສະບັດຢູ່ຕາມຖະໜົນປາຣີກໍເຮັດໃຫ້ນາງພູມໃຈທີ່ສຸດ.
"ຜູ້ສົ່ງຕໍ່ທວນໄຟຫຼາຍຄົນທີ່ນັ່ງຢູ່ເທິງລົດຕິດຕາມໄດ້ເຫັນປະສົບການຂອງຂ້ອຍໃນເວລາສົ່ງຕໍ່ທວນໄຟ.ເມື່ອຂ້ອຍຂຶ້ນລົດ,ພວກເຂົາເຈົ້າລ້ວນແຕ່ໃຫ້ກຳລັງໃຈຂ້ອຍດ້ວຍພາສາຝະຣັ່ງ.ບັນຍາກາດຂອງການສົ່ງຕໍ່ທວນໄຟເປັນໄປດ້ວຍດີ,ຂ້ອຍໄດ້ເຫັນມີນັກຮຽນຈີນທີ່ຮຽນຢູ່ຝະຣັ່ງຈຳນວນຫຼວງຫຼາຍຊູທຸງຊາດຢູ່ຕາມຖະໜົນຫົນທາງ,ຂ້ອຍກະຕຸ້ນໃຈຫຼາຍ."
ໃນມື້ນັ້ນ, ນັກສຶກສາແລະຄົນຈີນຕ່າງດ້າວອອກມາຢືນຢູ່ຕາມຖະໜົນຫົນທາງແລະບ່ອນທ່ອງທ່ຽວທີ່ມີຊື່ສຽງຈຳນວນໜຶ່ງເພື່ອເບີ່ງການສົ່ງຕໍ່ທວນໄຟ. ເຂົາເຈົ້າແກ່ວງທູງແດງຫາດາວ, ຮ້ອງຄຳຂວັນຕ່າງໆ, ເຊັ່ນ: "ສູ້, ສູ້", "ປັກກິ່ງຕ້ອນຮັບທ່ານ" ດ້ວຍພາສາຈີນແລະພາສາຝະຣັ່ງ. ຢູ່ຕໍ່ໜ້າການລົບກວນຂອງພວກຕິເບດອອກເປັນເອກະລາດ, ເຂົາເຈົ້າກໍ່ຮັກສາຄວາມໃຈເຢັນແລະຄວາມອົດກັ້ນທີ່ສຸດ.
ເມື່ອທວນໄຟໄປຮອດຈຸດໝາຍປາຍທາງ, ນັກຂ່າວໄດ້ສຳພາດນາງບິດຕຣິກ ເຮສ ນັກກິລາລອຍນ້ຳ ນັກກິລາຄົນພິການທີ່ມີຊື່ສຽງຂອງຝະຣັ່ງ. ນາງເຄີຍເຂົ້າຮ່ວມງານກິລາໂອລິມປິກຄົນພິການ 5 ເທື່ອ, ເຄີຍໄດ້ຫຼຽນຄຳ 20 ຫຼຽນ. ປະຈຸບັນ, ລາວແມ່ນສະມາຊິກຂອງຄະນະກຳມະການນັກກິລາໂອລິມປິກສາກົນ. ລາວຮູ້ສຶກມີກຽດທີ່ສຸດທີ່ໄດ້ເປັນຜູ້ສົ່ງຕໍ່ທວນໄຟງານກິລາໂອລິມປິກປັກກິ່ງ, ນາງເວົ້າວ່າ:
"ໃນເວລາສົ່ງຕໍ່ທວນໄຟ, ຂ້ອຍໄດ້ຍິນສຽງຕົບມື, ຊົມເຊີຍທັງໄດ້ຍິນສຽງເຮ່ສະແດງຄວາມບໍ່ພໍໃຈ. ແມ່ນແລ້ວ, ແຕ່ລະຄົນກໍ່ມີອິດສະຫຼະໃນການສະແດງອອກ, ແຕ່ຂ້ອຍກໍ່ຫວັງໃຫ້ຄົນທັງຫຼາຍເຄົາລົບຄວາມພູມໃຈທີ່ໄດ້ເປັນຜູ້ສົ່ງຕໍ່ທວນໄຟຂອງຂ້ອຍ. ການເຂົ້າຮ່ວມການສົ່ງຕໍ່ທວນໄຟງານກິລາໂອລິມປິກແລະງານກິລາໂອລິມປິກໄດ້ນຳເອົາຄວາມພາກພູມໃຈແລະຄວາມສຸກມາໃຫ້ແກ່ນັກກິລາ, ໝົດທຸກຄົນກໍ່ຄວນເຄົາລົບນັບຖື, ເພາະວ່າ, ເຂົາເຈົ້າໄດ້ເສຍສະຫຼະຫຼາຍເພື່ອເລື່ອງນີ້."
ຄວາມປາຖະໜາຂອງຜູ້ສົ່ງຕໍ່ທວນໄຟແລະນັກກິລາຂອງຈີນແລະຝະຣັ່ງໄດ້ຮັບສຽງຕອບຮັບອັນຕັ້ງໜ້າຈາກທ່ານຈຽງຊ້ຽວອີ ຮອງປະທານ ຄະນະກຳມະການຈັດງານກິລາໂອລິມປິກປັກກິ່ງ, ໃນເວລາກ່າວຄຳປົ່ງໃສ, ທ່ານກ່າວວ່າ:
"ໃນສະຕະວັດ 21, ໜ້າທີ່ຮ່ວມກັນຂອງພວກຂ້າພະເຈົ້າກັບພວກທ່ານແລະຜູ້ທີ່ຮັກກິລາໂອລິມປິກໝົດທຸກຄົນ, ແມ່ນປົກປັກຮັກສາກຽດສັກສີຂອງທວນໄຟງານກິລາໂອລິມປິກ, ປົກປັກຮັກສາຈຸດປະສົງຂອງໂອລິມປິກຄືສັນຕິພາບ, ມິດຕະພາບແລະກ້າວໜ້າ. ພວກເຮົາຢາກບອກຄົນທັງຫຼາຍວ່າ: ປະຊາຊົນຈີນຍິນດີພ້ອມກັນກັບປະຊາຊົນປະເທດຕ່າງໆ, ທຳຄວາມພະຍາຍາມເພື່ອສ້າງໂລກທີ່ມີສັນຕິພາບຍາວນານ, ຈະເລີນພ້ອມກັນແລະກົມກຽວກັນ."
|
|
