|
|
 |
| (GMT+08:00)
2008-04-09 10:19:24
|
 |
|
ຜູ່ແທນອາເມລິກາແລະສປປເກົາຫລີທີ່ເຂົ້າຮ່ວມການເຈລະຈາຫົກຝ່າຍກ່າວວ່າການເຈລະຈາຢູ່ສິງກະໂປໄດ້ຮັບຄວາມຄືບຫນ້າ
cri
ຕາມຂ່າວສານຊີນຮວາ: ວັນທີ 8 ເມສານີ້ ຫົວຫນ້າຄະນະຜູ່ະແທນອາເມລິກາແລະສາທາລະນະລັດປະຊາຊົນປະຊາທິປະໄຕເກົາຫລີທີ່ເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານິວເຄຼຍແຫລມເກົາຫລີໄດ້ເຈລະຈາກັນຢູ່ສິງກະໂປ.ຫລັງຈາກການເຈລະຈາສິ້ນສຸດລົງ, ທັງສອງຝ່າຍລ້ວນແຕ່ກ່າວວ່າໄດ້ຮັບຄວາມຄືບຫນ້າ.
ທ່ານຄຼິສໂທເຟີ ຮີວ ຜູ່ຊ່ວຍລັດຖະມົນຕີການຕ່າງປະເທດອາເມລິກາ ຫົວຫນ້າຄະນະຜູ່ແທນອາເມລິກາກ່າວວ່າ, ສອງຝ່າຍໄດ້ເຈລະຈາກັນຢ່າງຮອບດ້ານ, ໄດ້ຮັບຄວາມຄືບຫນ້າ,ແຕ່ບໍ່ໄດ້ປະກາດສັນຍາຢູ່ສິງກະໂປ.ທ່ານກ່າວວ່າ, ອາດຈະເຜີຍແຜ່ສະພາບຄືບຫນ້າຂອງການເຈລະຈາແລະການກະທຳໃນບາດກ້າວຕໍ່ໄປຢູ່ປັກກິ່ງ.
ທ່ານກິມແກກວນ ລັດຖະມົນຕີຊ່ວຍວ່າການກະຊວງການຕ່າງປະເທດສປປເກົາຫລີ ຫົວຫນ້າຄະນະຜູ່ແທນສປປເກົາຫລີກ່າວວ່າ, ການເຈລະຈາໄດ້ຫລຸດຄວາມເຫັນຂັດກັນລະຫວ່າງສອງຝ່າຍໃຫ້ຫນ້ອຍລົງ, ແຕ່ການແກ້ໄຂບັນຫານິວເຄຼຍແຫລາມເກົາຫລີຕ້ອງການເວລາແລະຄວາມອົດທົນ.
ຂ່າວແຈ້ງອີກວ່າ, ມື້ດຽວກັນ ຢູ່ພຽງຢາງ ທ່ານກິມຢົງອິນ ນາຍົກລັດຖະມົນຕີສາທາລະນະລັດປະຊາຊົນປະຊາທິປະໄຕເກົາໄຫລີກ່າວວ່າ, ຍ້ອນອາເມລິກາສືບຕໍ່ປະຕິບັດນະໂຍບາຍເປັນປໍລະປັກກັບສປປເກົາຫລີ, ສະຖານະການແຫລມເກົາຫລີຍັງຢູ່ໃນສະພາບເຄັ່ງຕືງແລະບໍ່ຫມັ້ນທ່ຽງ.
|
|
|
