|
|
 |
| (GMT+08:00)
2008-04-09 15:10:27
|
 |
|
ການເຈລະຈາລະຫວ່າງສ.ປ.ປເກົາຫຼີກັບອາເມລິກາທີ່ສິງກະໂປໄດ້ຮັບຄວາມຄືບໜ້າ
cri
ຕາມຂ່າວ CRI: ວັນທີ 8 ເມສານີ້, ທ່ານກຼິສໂຕເຟິ ຮິວ ຫົວໜ້າຄະນະຜູ້ແທນອາເມລິກາຂອງການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີກັບທ່ານຄີມເກກວານ ຫົວໜ້າຄະນະຜູ້ແທນສ.ປ.ປເກົາຫຼີໄດ້ຈັດການເຈລະຈາຢູ່ສິງກະໂປ, ນີ້ແມ່ນການຫາລືບັນຫານິວເຄຼຍແຫຼມເກົາຫຼີພາຍໃນຂອບການເຈລະຈາ 6 ຝ່າຍອີກເທື່ອໜຶ່ງພາຍຫຼັງສອງຝ່າຍເຈລະຈາກັນຢູ່ເຊີແນວທີ່ຈັດຂຶ້ນໃນວັນທີ 13 ມີນາແລ້ວນີ້.
ທ່ານຮິວກັບທ່ານຄີມເກກວານໄດ້ຈັດການເຈລະຈາຢູ່ສະຖານທູດອາເມລິກາປະຈຳສິງກະໂປເປັນເວລາ 4 ຊົ່ວໂມງເຄິ່ງ. ຫຼັງຈາກການເຈລະຈາ, ສອງຝ່າຍບໍ່ໄດ້ເປີດເຜີຍຂໍ້ລະອຽດກ່ຽວກັບການເຈລະຈາ, ແຕ່ສະແດງຄວາມເພີງພໍໃຈຕໍ່ຜົນ ການເຈລະຈາ. ຢູ່ສະຖານທູດສ.ປ.ປເກົາຫຼີປະຈຳສິງກະໂປ, ທ່ານຄີມເກກວານ ເວົ້າຕໍ່ສື່ມວນຊົນວ່າ, ການເຈລະຈາໄດ້ຫຼຸດຜ່ອນຄວາມຂັດແຍ່ງກັນລະຫວ່າງສອງຝ່າຍຕື່ມອີກ, ການເຈລະຈາແມ່ນໄດ້ຮັບຜົນສຳເລັດ. ເມື່ອມີນັກຂ່າວຖາມວ່າສອງຝ່າຍໄດ້ເຊັນສັນຍາກ່ຽວກັບບັນຫາລາຍງານແຜນການນິວເຄຼຍຫຼືບໍ່, ທ່ານຄີມເກກວານກ່າວວ່າ, ສອງຝ່າຍໄດ້ຫາລືທຸກບັນຫາ, ແກ້ໄຂບັນຫານິວເຄຼຍສ.ປ.ປເກົາຫຼີຕ້ອງການເວລາແລະຄວາມອົດກັ້ນ.
ຢູ່ໂຮມແຮມ, ທ່ານຮິວເວົ້າຕໍ່ນັກຂ່າວວ່າ, ສອງຝ່າຍໄດ້ຫາລືທຸກບັນຫາຂອງການເຈລະຈາ 6 ຝ່າຍ, ສະພາບໃນປະຈຸບັນ, ແລະແຜນການຕໍ່ໄປ. ສອງຝ່າຍໄດ້ຫາລືກັນເປັນຢ່າງດີຕໍ່ທຸກບັນຫາ, ໄດ້ຮັບຄວາມຄືບໜ້າດີກວ່າການເຈລະຈາທີ່ເຊີແນວ. ທ່ານກ່າວວ່າ, ສອງຝ່າຍໄດ້ລານຍງານຜົນສຳເລັດຂອງການເຈລະຈາຕໍ່ລັດຖະບານ, ແລະກຳລັງລໍຖ້າຄຳສັ່ງ, ສະນັ້ນ, ຈຶ່ງບໍ່ໄດ້ເຊັນສັນຍາກັນ. ທ່ານກ່າວວ່າ, ທ່ານຈະປະກາດສະພາບກ່ຽວກັບຄວາມຄືບໜ້າຂອງການເຈລະຈາແລະການກະທຳຕໍ່ໄປຢູ່ປັກກິ່ງ.
ວັນທີ 8 ເມສານີ້, ທ່ານຮິວແລະທ່ານຄີມເກກວານໄດ້ເດີນທາງຈາກສິງກະໂປມາປັກກິ່ງ. ມື້ດຽວກັນ, ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ທ່ານອູຕ້າເວີຍ ລັດຖະມົນຕີຊ່ອຍວ່າການກະຊວງການຕ່າງປະເທດຈີນຈະພົບປະທ່ານຮິວຢູ່ປັກກິ່ງໃນວັນ 9 ເມສານີ້, ຮັບຟັງການແຈ້ງສະພາບການເຈລະຈາລະຫວ່າງອາເມລິກາກັບສ.ປ.ປເກົາຫຼີຢູ່ສິງກະໂປ. ພ້ອມກັນນັ້ນ, ນາງຍັງກ່າວວ່າ, ຫົວໜ້າຄະນະຜູ້ແທນສ.ເກົາຫຼີ, ຍີ່ປຸ່ນກໍ່ຈະມາປັກກິ່ງ, ຮັບຟັງປະກາດແຈ້ງສະພາບທີ່ກ່ຽວຂ້ອງ. ທ່ານນາງຈ່ຽງອີກ່າວວ່າ, ຈີນສະໜັບສະໜູນຝ່າຍຕ່າງໆທີ່ກ່ຽວຂ້ອງຂອງການເຈລະຈາ 6 ຝ່າຍເພີ່ມທະວີການສື່ສານແລະການສົນທະນາ, ພ້ອມກັນຊຸກຍູ້ການເຈລະຈາ 6 ຝ່າຍແລະຂະບວນການເຮັດໃຫ້ແຫຼມເກົາຫຼີປອດນິວເຄຼຍກ້າວໄປໜ້າຢ່າງບໍ່ຢຸດຢັ້ງ. ເຊື່ອວ່າ, ຝ່າຍຕ່າງໆທີ່ກ່ຽວຂ້ອງຈະນຳໃຊ້ໂອກາດເທື່ອນີ້ຢ່າງເຕັມສ່ວນ, ລົງເລິກແລກປ່ຽນແລະຫາລືກັນກ່ຽວກັບສະຖານະການແຫ່ງການເຈລະຈາ 6 ຝ່າຍໃນປະຈຸບັນແລະແຜນການວຽກເຮັດຕໍ່ໄປ, ຫວັງວ່າ, ການພົບປະຈະໄດ້ຮັບໝາກຜົນອັນຕັ້ງໜ້າ.
|
|
|
