|
ການດີຂຶ້ນຂອງພື້ນຖານໂຄງລ່າງກະສິກຳເຂດຕິເບດໄດ້ເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນໄວກວ່າເກົ່າ
cri
ຕາມຂ່າວ CRI: ວັນທີ 9 ເມສານີ້, ພາກສ່ວນກະສິກຳເຂດປົກຄອງຕົນເອງຕິເບດລາຍງານວ່າ, ໃນ 5 ປີທີ່ຜ່ານມາ, ການລົງທຶນໃນດ້ານການສ້າງພື້ນຖານໂຄງລ່າງກະສິກຳຂອງເຂດຕິເບດມີ 2 ຕື້ 300 ລ້ານຢວນ, ເງື່ອນໄຂຜະລິດແລະຊີວິດການເປັນຢູ່ຂອງຊາວກະສິກອນໄດ້ດີຂຶ້ນຕື່ມອີກ.
ເຂດປົກຄອງຕົນເອງຕິເບດໄດ້ປະຕິບັດໂຄງການພື້ນຖານໂຄງລ່າງກະສິກຳອັນສຳຄັນຕ່າງໆ, ເຊັ່ນ: ການຮັກສາແລະສ້າງທົ່ງຫຍ້າທຳມະຊາດ, ການສ້າງແຫຼ່ງປູກເຂົ້າຊີງເຄີຄຸນນະພາບດີເປັນຕົ້ນ. ໂຄງການເຊົາລ້ຽງສັດປູກຫຍ້າຢູ່ທົ່ງຫຍ້າທຳມະຊາດໄດ້ສຳເລັດເນື້ອທີ່ປູກຫຍ້າ 1 ລ້ານ 7 ແສນ 5 ໝື່ນເຮັກຕາ. ໂຄງການສ້າງອາຍເມຕານຢູ່ຊົນນະບົດທີ່ປະຕິບັດຢູ່ 23 ບ້ານຂອງເຂດຕິເບດ, ເຮັດໃຫ້ຊາວກະສິກອນ 7 ໝື່ນກວ່າຄົນໃຊ້ພະລັງງານສະອາດ. ການປະຕິບັດໂຄງການເຫຼົ່ານີ້, ບໍ່ພຽງແຕ່ໄດ້ຮັກສາສິ່ງແວດລ້ອມຊີວະພາບຂອງເຂດກະສິກຳຕິເບດ, ຍັງໄດ້ບູລະນະເງື່ອນໄຂຜະລິດແລະຊີວິດການເປັນຢູ່ຂອງຊາວກະສິກອນຢ່າງຫຼວງຫຼາຍ.
ຂ່າວແຈ້ງວ່າ, ປີກາຍນີ້, ລາຍໄດ້ສະເລ່ຍຕາມຫົວຄົນຂອງຊາວກະສິກອນເຂດຕິເບດມີປະມານ 2800 ຢວນ, ເພື່ອຂຶ້ນຫຼາຍກວ່າ 80% ເມື່ອທຽບໃສ່ 5 ປີກ່ອນ.
|
|
