|
|
 |
| (GMT+08:00)
2008-04-10 10:05:27
|
 |
|
ໂຄສົກກະຊວງການຕ່າງປະເທດຈີນເຕືອນໃຫ້ຄົນຈຳນວນຫນ້ອຍທີ່ສຸດໃນລັດຖະສະພາອາເມລິກາຈົ່ງເຊົາລົບກວນແລະທຳລາຍການສົ່ງຕໍ່ທວນໄຟໂອລິມປິກ
cri
ຕາມຂ່າວ cri:ວັນທີ 9 ເມສານີ້ ນາງຈ່ຽງອີ ໂຄສົກກະຊວງການຕ່າງປະເທດຈີນເຕືອນຄົນຈຳນວນຫນ້ອຍທີ່ສຸດໃນລັດຖະສະພາອາເມລິກາຈົ່ງເຊົາລົບກວນແລະທຳລາຍງານກິລາໂອລິມປິກແລະການສົ່ງຕໍ່ທວນໄຟໂອລິມ ປິກ.
ຫວ່າງກ່ອນນີ້ບໍ່ດົນ,ນາງນານຊີ ເພໂລຊີ ປະທານສະພາຕ່ຳອາເມລິກາອອກຖະແຫລງການກ່າວວ່າ, ລັດຖະບານຈີນເຮັດໃຫ້ການສົ່ງຕໍ່ທວນໄຟງານກິລາໂອລິມປິກກາຍເປັນບັນຫາການເມືອງ, ນາງສະຫນັບສະຫນູນຄົນທີ່ຄັດຄ້ານການສົ່ງຕໍ່ທວນໄຟຢູ່ຊຣນຟຼັງຊີສໂກ.
ຕໍ່ເລື່ອງນີ້, ນາງຈ່ຽງອີກ່າວວ່າ, ການສົ່ງຕໍ່ທວນໄຟຢູ່ຊານຟຼັງຊີສໂກແມ່ນເລື່ອງມະຫະກຳລະຫວ່າງຈີນກັບອາເມລິກາ,ປະຊາຊົນປະເທດທັງສອງລ້ວນແຕ່ຫວັງໃຫ້ກິດຈະກຳນີ້ດຳເນີນໄປຢ່າງສະດວກ.ບາງຄົນໃນລັດຖະ ສະພາອາເມລິກາບໍ່ເອົາຫົວຊານຳນ້ຳໃຈໂອລິມປິກແລະຫລັກການກິລາບໍ່ແມ່ນບັນຫາການເມືອງ,ປຸກປັ່ນໃຫ້ລົບກວນແລະທຳລາຍການສົ່ງຕໍ່ທວນໄຟໂອລິມປິກຢູ່ຊານຟຼັງຊີສໂກ,ນີ້ໄດ້ເສຍຄຸນສົມບັດແລະຄວາມເປັນທຳອັນພື້ນຖານທີ່ສຸດ,ນີ້ເຮັດໃຫ້ປະຊາຊົນຈີນທຸກຖ້ວນຫນ້າທີ່ຢູ່ທັງພາຍໃນແລະຕ່າງປະເທດພ້ອມດ້ວຍບຸກຄົນຜູ່ມີສິນທຳຂອງປະເທດຕ່າງໆໃນໂລກຄຽດແຄ້ນທີ່ສຸດແລະກ່າວປະທ້ວງ.
ນາງຈ່ຽງອີກ່າວວ່າ, ຄວາມຕັດສິນໃຈຂອງປະຊາຊົນຈີນແລະໂລກທີ່ຈັດງານກິລາໂອລິມປິກປັກກິ່ງໃຫ້ດີແມ່ນຫມັ້ນຫນຽວບໍ່ປ່ຽນແປງ, ບາດກ້າວໄປຫນ້າຂອງປະຊາຊົນຈີນແມ່ນຄົນໃດກໍ່ສະກັດກັ້ນບໍ່ໄດ້.
|
|
|
