|
|
(GMT+08:00)
2008-04-10 11:19:56
|
|
ເຫດການຈະລາຈົນຢູ່ກິ່ງແຂວງປົກຄອງຕົນເອງກ່ານນານແມ່ນພວກແບ່ງແຍກຊາດຈຳນວນໜ້ອຍວາງແຜນກໍ່ຂຶ້ນ
cri
Author: cai
ຕາມຂ່າວສານຊີນຮວາ:ວັນທີ 9 ເມສານີ້,ຢູ່ເມືອງເຮີຈົ້ວແຂວງກ່ານຊູ,ໃນເວລາທ່ານເໝົາເຊິ່ງອູ ຜູ້ວ່າການແທນກິ່ງແຂວງປົກຄອງຕົນເອງເຜົ່າຕິເບດກ່ານນານແຂວງກ່ານຊູ ພາກຕາເວັນຕົກຂອງຈີນໃຫ້ສຳພາດຕໍ່ນັກຂ່າວຈີນແລະຕ່າງປະເທດ,ທ່ານກ່າວວ່າ,ເຫດການຈະລາຈົນຢູ່ກິ່ງແຂວງກ່ານນານແມ່ນພວກແບ່ງແຍກຊາດຈຳນວນໜ້ອຍວາງແຜນກໍ່ຂຶ້ນ.
ທ່ານເໝົາເຊິ່ງອູກ່າວວ່າ,ຫຼັກແຫຼ່ງທີ່ເຂົ້າຮ່ວມເຫດການຈະລາຈົນນັ້ນລ້ວນແຕ່ໄດ້ມັດສາຍຜ້າສີດຳຢູ່ເທິງຫົວແລະແຂນ,ນີ້ສະແດງໃຫ້ເຫັນວ່າ,ການເຄື່ອນໄຫວຈະລາຈົນເຫຼົ່ານີ້ແມ່ນມີການຈັດຕັ້ງ.ການເຄື່ອນໄຫວຈະລາຈົນໃນຕົວເມືອງແລະຊົນນະບົດສ່ວນໜຶ່ງຢູ່ກິ່ງແຂວງກ່ານນານໄດ້ສົມທົບເຊິ່ງກັນແລະກັນ.ພວກເຂົາບໍ່ພຽງແຕ່ໄດ້ຕິດຕໍ່ພົວພັນກັນກັບພວກຢາກແຍກຕິເບດເປັນເອກະລາດຢູ່ພາຍໃນປະເທດເທົ່ານັ້ນ,ຍັງໄດ້ຕິດຕໍ່ກັບພວກແບ່ງແຍກຊາດຢູ່ຕ່າງປະເທດ.
ທ່ານເໝົາເຊິ່ງອູກ່າວວ່າ,ພາຍຫຼັງເກີດເຫດການຈະລາຈົນເທື່ອນີ້ແລ້ວ,ຕຳຫຼວດໄດ້ໂຈມຕີການເຄື່ອນໄຫວອາດຊະຍາກຳຮຸນແຮງຕາມກົດໝາຍ,ເຮັດໃຫ້ສະຖານະການໄດ້ຮັບການຄວບຄຸມໃນທັນທີ.ປະຈຸບັນ,ສະຖານະການໃນທົ່ວກິ່ງແຂວງໄດ້ຖືກຄວບຄຸມຢ່າງບັງເກີດຜົນ,ສັງຄົມໄດ້ຟື້ນຟູຄວາມສະຫງົບ,ລະບຽບການຜະລິດແລະຊີວິດການເປັນຢູ່ຂອງປະຊາຊົນໄດ້ຟື້ນຟູເປັນປົກກະຕິໂດຍພື້ນຖານແລ້ວ.
|
|
|