|
IMFຄາດຄະເນອະນາຄົດການເຕີບໂຕຂອງເສດຖະກິດປະເທດແລະເຂດແຄວ້ນສຳຄັນຂອງໂລກ
cri
Author: cai
ຕາມຂ່າວCRI:ວັນທີ 9 ເມສານີ້,ອົງການກອງທຶນສາກົນຫຼື IMF ໄດ້ປະກາດບົດລາຍງານ《ການຈ້ອງມອງເສດຖະກິດໂລກ》ສະບັບຫຼ້າສຸດ,ຄາດຄະເນວ່າ,ໃນປີ 2008 ແລະ 2009,ເສດຖະກິດທົ່ວໂລກຕ່າງຈະເຕີບໂຕ 3,7% ແລະ 3,8%,ຕ່ຳກວ່າປີກາຍຫຼາຍ,ແຕ່ເສດຖະກິດຈີນຍັງຈະເຕີບໂຕຢ່າງວ່ອງໄວ.
ບົດລາຍງານຂຽນວ່າ,ຍ້ອນຖືກຜົນສະທ້ອນຈາກວິກິດການທາງດ້ານການເງິນທີ່ໜັກໜ່ວງ,ເສດຖະກິດທົ່ວໂລກໄດ້ເຕີບໂຕຊ້າລົງ,ໃນນັ້ນ,ອົງກອນເສດຖະກິດທີ່ໄດ້ພັດທະນາແລ້ວຫຼຸດລົງຫຼາຍກວ່າໝູ່.ຍ້ອນເສດຖະກິດອາເມລິກາຖືກຜົນສະທ້ອນຈາກສອງດ້ານຄືວິກິດການຕະຫຼາດເຮືອນຢູ່ແລະການປັ່ນປ່ວນຂອງຕະຫຼາດການທະນາຄານ,ສະນັ້ນ,ໃນປີນີ້ຈະຊຸດໂຊມລົງໜ້ອຍໜຶ່ງ.
ບົດລາຍງານຄາດຄະເນວ່າ,ໃນປີນີ້ແລະປີໜ້າ,ເສດຖະກິດຈີນຍັງຈະຮັກສາທ່ວງທ່າທີ່ເຕີບໂຕຢ່າງວ່ອງໄວ,ໃນສອງປີດັ່ງກ່າວອັດຕາເຕີບໂຕຕ່າງຈະບັນລຸເຖິງ 9,3% ແລະ 9,5%.ບົດລາຍງານຂຽນວ່າ,ໃນປີນີ້ແລະປີໜ້າ,ເສດຖະກິດຂອງອົງກອນເສດຖະກິດຕະຫຼາດທີ່ຈະເລີນໃໝ່ຂອງອາຊີຈະເຕີບໂຕຢ່າງແຂງແຮງ,ແຕ່ຈັງຫວະເຕີບໂຕຈະຊ້າກວ່າປີກາຍ.
|
|
