|
|
 |
| (GMT+08:00)
2008-04-11 10:36:42
|
 |
|
ປະທານາທິບໍດີອາເມລິກາປະກາດວ່າຈະເຊົາການຖອນທະຫານຊົ່ວຄາວຫຼັງທ້າຍເດືອນກໍລະກົດປີນີ້
cri
Author: cai
ຕາມຂ່າວCRI:ວັນທີ 10 ເມສານີ້,ທ່ານຈອັດ ບຸສ ປະທານາທິບໍດີອາເມລິກາໄດ້ກ່າວຄຳປາໄສທາງໂທລະພາບຕໍ່ທົ່ວປະເທດ,ທ່ານກ່າວວ່າ,ທ່ານໄດ້ຮັບເອົາຂໍ້ສະເໜີຂອງທ່ານເດວິດ ໂຮແວວ ເພັດເຣອຸສ ຜູ້ບັນຊາການສູງສຸດກອງທະຫານອາເມລິກາປະຈຳອີຣັກ,ພາຍຫຼັງໄດ້ສຳເລັດແຜນການຖອນທະຫານໃນທ້າຍເດືອນກໍລະກົດປີນີ້ທີ່ໄດ້ກຳນົດໄວ້ແລ້ວ,ຈະເຊົາຖອນທະຫານຊົ່ວຄາວ.
ທ່ານບຸສກ່າວວ່າ,ການສົ່ງທະຫານໄປເພີ່ມຢູ່ອີຣັກໃນປີກາຍໄດ້ຮັບຄວາມຄືບໜ້າອັນສຳຄັນໃນການຫຼຸດຜ່ອນການປະທະກັນລະຫວ່າງສາສະໜາຝ່າຍຕ່າງໆ ການສ້າງລະບຽບຄວາມໝັ້ນຄົງຄືນໃໝ່ແລະການຕ້ານການກໍ່ການຮ້າຍ,ແຕ່ພ້ອມກັນນັ້ນ,ທ່ານກໍ່ຮັບຮອງວ່າ,ອີຣັກຍັງປະເຊີນໜ້າກັບການທ້າທາຍທີ່ເຄັ່ງຄັດແລະສັບສົນ.
ທ່ານບຸສກ່າວວ່າ,ພາຍຫຼັງໄດ້ຫາລືຢ່າງລະອຽດກັບລັດຖະມົນຕີວ່າການກະຊວງປ້ອງກັນປະເທດ ລັດຖະມົນຕີວ່າການກະຊວງການຕ່າງປະເທດແລະປະທານສະພາຫົວໜ້າທີ່ປຶກສາຂອງອາເມລິກາແລ້ວ,ທ່ານຕົກລົງຮັບເອົາຂໍ້ສະເໜີຂອງທ່ານເດວິດ ໂຮແວວ ເພັດເຣອຸສ,ຖອນທະຫານ 5 ກອງພົນນ້ອຍທີ່ສົ່ງໄປໃນປີກາຍກ່ອນທ້າຍເດືອນກໍລະກົດປີນີ້.ຕໍ່ຈາກນັ້ນ,ທ່ານເພັດເຣອຸສຈະປະເມີນຜົນສະທ້ອນຂອງການຖອນທະຫານຕໍ່ສະຖານະການຄວາມໝັ້ນຄົງ,ແລ້ວຈະມີຂໍ້ສະເໜີໃໝ່ກ່ຽວກັບການຖອນທະຫານຕື່ມອີກ.
|
|
|
