|
|
 |
| (GMT+08:00)
2008-04-14 17:39:06
|
|
ຊີຣີຮຽກຮ້ອງໃຫ້ປະເທດອ້ອມຂ້າງຂອງອີຣັກຊ່ວຍອີຣັກຟື້ນຟູຄວາມໝັ້ນຄົງແລະສະຖຽນລະພາບ
cri
Author: cai
ຕາມຂ່າວສານຊີນຮວາ:ວັນທີ 13 ເມສານີ້,ຢູ່ນະຄອນຫຼວງດາມາສ ທ່ານບາຊາມ ອັບດຸນ ມາຈີດ ລັດຖະມົນຕີວ່າການກະຊວງພາຍໃນຊີຣີໄດ້ຮຽກຮ້ອງໃຫ້ປະເທດໃກ້ຄຽງຂອງອີຣັກຊ່ວຍອີຣັກຟື້ນຟູຄວາມໝັ້ນຄົງແລະສະຖຽນລະພາບຢູ່ພາຍໃນປະເທດ.
ໃນພິທີໄຂກອງປະຊຸມເທື່ອທີ 2 ຂອງຄະນະກຳມະການຮ່ວມມືແລະປະສານງານດ້ານຄວາມໝັ້ນຄົງປະເທດໃກ້ຄຽງຂອງອີຣັກທີ່ຈັດຂຶ້ນໃນວັນທີ 13 ເມສານີ້,ທ່ານມາຈີດໄດ້ກ່າວຄຳປາໄສວ່າ,ຈຸດປະສົງຂອງກອງປະຊຸມເທື່ອນີ້ແມ່ນເພື່ອຊ່ວຍປະຊາຊົນອີຣັກພົ້ນອອກຈາກສະພາບຫຍຸ້ງຍາກໃນປະຈຸບັນນີ້,ປົກປັກຮັກສາເອກະພາບຂອງອີຣັກ.
ທ່ານມາຈີດກ່າວວ່າ,ຊີຣີໄດ້ໃຊ້ມາດຕະການເພີ່ມທະວີການຄວບຄຸມຄວາມໝັ້ນຄົງຢູ່ເຂດຊາຍແດນຊີຣີອີຣັກ,ເພີ່ມສະຖານີກວດກາຄົງທີ່ແລະເຄື່ອນທີ່ເພື່ອບໍ່ໃຫ້ຄົນຜິດກົດໝາຍແລະວັດຖຸເກືອດຫ້າມເຂົ້າດິນແດນອີຣັກ.
|
|
|
