|
ທະນາຄານໂລກແລະIMFຮຽກຮ້ອງໃຫ້ປະເທດທີ່ພັດທະນາແລ້ວສະໜອງຄວາມຊ່ວຍເຫຼືອທາງທັນຍາຫານໂດຍດ່ວນ
cri
Author: cai
ຕາມຂ່າວສານຊີນຮວາ:ວັນທີ 13 ເມສານີ້,ຄະນະກຳມາທິການພັດທະນາຮ່ວມຂອງທະນາຄານໂລກແລະອົງການກອງທຶນສາກົນຫຼືIMFໄດ້ຮຽກຮ້ອງໃຫ້ປະເທດທີ່ພັດທະນາແລ້ວສະໜອງຄວາມຊ່ວຍເຫຼືອທາງທັນຍາຫານໂດຍດ່ວນແກ່ປະເທດທີ່ຖືກຜົນສະທ້ອນຢ່າງໜັກໜ່ວງຍ້ອນລາຄາທັນຍາຫານແພງຂຶ້ນ.
ວັນທີ 13 ເມສານີ້,ພາຍຫຼັງຈັດກອງປະຊຸມລະດູໃບໄມ້ປົ່ງຢູ່ວໍຊິງຕັນແລ້ວ,ຄະນະກຳມາທິການດັ່ງກ່າວໄດ້ຖະແຫຼງວ່າ,ຢູ່ປະເທດທີ່ພວມພັດທະນາອັນໄພສານ,ຄົນທຸກຍາກຈຳນວນຫຼວງຫຼາຍໄດ້ຖືກຜົນສະທ້ອນຢ່າງໜັກໜ່ວງຍ້ອນລາຄາທັນຍາຫານແລະພະລັງງານແພງຂຶ້ນ.ແຈ້ງການຂຽນວ່າ,ຊົມເຊີຍ"ຂໍ້ສະເໜີໃໝ່ກ່ຽວກັບນະໂຍບາຍທັນຍາຫານທົ່ວໂລກ"ຂອງທ່ານໂຣເປີດ ໂຈລິກ ປະທານທະນາຄານໂລກ,ຄື ໃນໄລຍະມໍ່,ສະໜອງຄວາມຊ່ວຍເຫຼືອທາງທັນຍາຫານໂດຍດ່ວນ,ໃນໄລຍະກາງແລະຍາວ,ຊຸກຍູ້ປະເທດທີ່ພວມພັດທະນາຍົກສູງຄວາມສາມາດຜະລິດທັນຍາຫານ.
ພ້ອມກັນນັ້ນ,ແຈ້ງການຍັງຊີ້ອອກວ່າ,ທະນາຄານໂລກແລະອົງການກອງທຶນສາກົນຄວນກຽມພ້ອມ,ເພື່ອໃຫ້ການຊີ້ນຳດ້ານນະໂຍບາຍແລະຄວາມຊ່ວຍເຫຼືອດ້ານເສດຖະກິດຢ່າງທັນການແກ່ປະເທດທີ່ຖືກຜົນສະທ້ອນຍ້ອນລາຄາທັນຍາຫານແລະພະລັງງານແພງຂຶ້ນ.
|
|
