|
|
 |
| (GMT+08:00)
2008-04-14 18:03:35
|
 |
|
ສື່ມວນຊົນສປປເກົາຫລີກ່າວວ່າສ.ເກົາຫລີຕ້ອງຮັບຮູ້ຄວາມຫນັກຫນ່ວງຂອງສະຖານະການໃນປັດຈຸບັນ
cri
ຕາມຂ່າວສານຊີນຮວາ: ວັນທີ 14 ເມສານີ້ ຫນັງສືພິມໂລດົງຊິນມຸນໄດ້ພິມບົດວິຈານກ່າວວ່າ, ຖ້າເຈົ້າຫນ້າທີ່ສາທາລະນະລັດເກົາຫລີບໍ່ເອົາຫົວຊານຳການກ່າວເຕືອນຂອງສາທາລະນະລັດປະຊາຊົນປະຊາທິປະໄຕເກົາຫລີ, ຍຶດຫມັ້ນນະໂຍບາຍຕໍ່ສາທາລະນະລັດປະຊາຊົນປະຊາທິປະໄຕເກົາຫລີຂອງເຂົາຕໍ່ໄປແລ້ວ,ການພົວພັນລະຫວ່າງສອງຝ່າຍກໍ່ຈະເກີດວິກິດການຢ່າງຫນັກຫນ່ວງ.ເຈົ້າຫນ້າທີ່ສາທາລະນະລັດເກົາຫລີຄວນຮັບຮູ້ເຖິງຄວາມຫນັກຫນ່ວງຂອງສະພາວະການ.
ບົດວິຈານກ່າວວ່າ, ຖະແຫລງການຮ່ວມເຫນືອໃຕ້ທີ່ຜູ່ນຳສຸດອຍດຂອງສອງປະເທດເຜີຍແຜ່ໃນປີ 2000 ແລະຖະແຫລງການກ່ຽວກັບການຂະຫຍາຍການພົວພັນພ້ອມສັນຕິພາບແລະຄວາມຈະເລີນຂອງເຫນືອໃຕ້ທີ່ເຜີຍແຜ່ໃນປີກາຍນີ້ແມ່ນຫລັກນະໂຍບາຍໂຮມເຂົ້າເປັນເອກະພາບຂອງຊາດ.ລັດຖະບານສາທາລະນະລັດເກົາຫລີບໍ່ເອົາຫົວຊານຳຖະແຫລງການສອງສະບັບດັ່ງກ່າວ, ວາງນະໂຍບາຍຕໍ່ສາທາລະນະລັດປະຊາຊົນປະຊາ ທິປະໄຕເກົາຫລີທີ່ວ່າ ເສັ້ນທາງເນັ້ນຫນັກຜົນປະໂຫຍດຕົວຈິງ ປອດນິວເຄຼຍ ເປີດປະຕູແລະສາມພັນ,ເຈດຕະນາປະຕິເສດຫມາກຜົນອັນປະເສີດທີ່ໄດ້ຮັບໃນການພົວພັນລະຫວ່າງສອງຝ່າຍ.ນີ້ແມ່ນສາທາລະນະລັດປະຊາຊົນປະຊາທິປະໄຕເກົາຫລີຮັບເອົາບໍ່ໄດ້.
ບົດວິຈານຣຽກຮ້ອງໃຫ້ລັດຖະບານສາທາລະນະລັດເກົາຫລີຈົ່ງຍົກເລີກນະໂຍບາຍຕໍ່ສາທາລະນະລັດປະຊາຊົນປະຊາທິປະໄຕເກົາຫລີທີ່ຄັດຄ້ານການໂຮມເປັນເອກະພາບກັນ, ຖ້າບໍ່ດັ່ງນັ້ນເຂົາຕ້ອງຫາບແບກຜົນຮ້າຍຢ້ອນຫລັງທັງຫມົດທີ່ເກີດຂຶ້ນຍ້ອນນະໂຍບາຍດັ່ງກ່າວ.
|
|
|
