|
ຈີນຈະປະກາດຮ່າງກົດໝາຍວ່າດ້ວຍຄວາມປອດໄພຂອງອາຫານ
cri
ຕາມຂ່າວ CRI: ວັນທີ 15 ເມສານີ້, ຢູ່ທີ່ປັກກິ່ງ, ກອງປະຊຸມປະທານຄະນະປະຈຳສະພາປະຊາຊົນແຫ່ງຊາດຈີນຊຸດທີ 11 ຕົກລົງວ່າ, ຄະນະປະຈຳສະພາປະຊາຊົນແຫ່ງຊາດຈີນເຊິ່ງເປັນອົງການນິຕິບັນຍັດຂອງຈີນຈະປະກາດຮ່າງກົດໝາຍວ່າດ້ວຍຄວາມປອດໄພຂອງອາຫານທີ່ໄດ້ຮັບຄວາມສົນໃຈຫຼາຍນັ້ນຕໍ່ສັງຄົມໃນໄວໆນີ້, ເພື່ອຂໍຄວາມເຫັນຂອງຝ່າຍຕ່າງໆ.
ກົດໝາຍວ່າດ້ວຍຄວາມປອດໄພຂອງອາຫານເລີ່ມເຂົ້າສູ່ລະບຽບການ ນິຕິບັນຍັດໃນທ້າຍປີກາຍນີ້, ມີຈຸດປະສົງເພື່ອປ້ອງກັນແລະຫຼຸດການເປັນພະຍາດຍ້ອນອາຫານໃຫ້ໜ້ອຍລົງ, ປ້ອງກັນ, ຄວບຄຸມແລະກຳຈັດມົນລະພິດຕໍ່ອາຫານ.
|
|
