|
ທ່ານຊາມາຣານຈ໌ກ່າວວ່າ,ການສວຍໃຊ້ງານກິລາໂອລິມປິກມາຄັດຄ້ານຈີນແມ່ນບໍ່ທ່ຽງທຳ
cri
Author: shuo
ຕາມຂ່າວສານຊິນຮວາ:ຫວ່າງມໍ່ໆນີ້,ໃນເວລາໃຫ້ສຳພາດຕໍ່ໜັງສືພິມສະບັບໜຶ່ງຂອງແອສປາຍ,ທ່ານຮວນ ອານໂຕນິໂອ ຊາມາຣານຈ໌ ປະທານກິຕິມະສັກຕະຫຼອດຊີວິດຂອງຄະນະກຳມະການໂອລິມປິກສາກົນກ່າວວ່າ,ການສວຍໃຊ້ງານກິລາໂອລິມປິກມາຄັດຄ້ານຈີນນັ້ນແມ່ນບໍ່ທ່ຽງທຳ,ແລະເຊື່ອໝັ້ນວ່າ ງານກິລາໂອລິມປິກປັກກິ່ງຍ່ອມຈະໄດ້ຮັບຜົນສຳເລັດຢ່າງແນ່ນອນ.
ທ່ານຊາມາຣານຈ໌ຊີ້ອອກວ່າ,ການຂວ້ຳບາດງານກິລາໂອລິມປິກໃນທີ່ສຸດແມ່ນໄດ້ລົງໂທດນັກກິລາຂອງປະເທດທີ່ຂວ້ຳບາດ,ການເມືອງແມ່ນການເມືອງ,ກິລາແມ່ນກິລາ,ບໍ່ຄວນສວຍໃຊ້ງານກິລາໂອລິມປິກ.
ທ່ານຊາມາຣານຈ໌ກ່າວວ່າ,ທ່ານຮັບຮູ້ຈີນໄດ້ຫຼາຍປີແລ້ວ,ແລະໂຄລົບນັບຖືຈີນຫຼາຍ,ຈີນບໍ່ຄວນຖືກລົງໂທດຫຍັງເລີຍ.ທ່ານກ່າວວ່າ,ລວມທັງຂົງເຂດກິລາ,ຈີນໄດ້ຮັບການພັດທະນາຢ່າງໃຫຍ່ຫຼວງແລະໄດ້ເກີດການປ່ຽນແປງປານປິ້ນຟ້າຂວ້ຳແຜ່ນດິນ.ຈີນໃນຖານະທີ່ເປັນປະເທດທີ່ມີປະຊາກອນເກືອບ1ສ່ວນ4ຂອງໂລກມີສິດຈັດງານກິລາໂອລິມປິກ.ທ່ານເຊື່ອໝັ້ນວ່າ ງານກິລາໂອລິມປິກປັກກິ່ງຈະໄດ້ຮັບຜົນສຳເລັດຢ່າງແນ່ນອນ.
|
|
