|
|
 |
| (GMT+08:00)
2008-04-15 17:53:56
|
 |
|
ກອງສຳຫລວດວິທະຍາສາດຂົ້ວໂລກໃຕ້ຄັ້ງທີ 24 ຂອງຈີນກັບຄືນປະເທດຢ່າງໄດ້ຮັບຜົນສຳເລັດ
cri
ຕາມຂ່າວສານຊີນຮວາ: ໂດຍຜ່ານການທົດສອບຈາກລົມແຮງຟອງ ຮ້າຍແລະຫິມະທີ່ຫນາວຈັດ,ກອງສຳຫລວດວິທະຍາສາດຂົ້ວໂລກໃຕ້ຄັ້ງທີ 24 ຂອງຈີນໄດ້ສຳເລັດຫນ້າທີ່ທຸກລາຍດ້ວຍຜົນອັນງົດງາມແລ້ວກັບຄືນປະເທດຢ່າງມີໄຊ.ວັນທີ 15 ເມສານີ້ ກອງສຳຫລວດວິທະຍາສາດໄດ້ເດີນທາງກັບມາຮອດທ່າກຳປັ່ນຖານສຳຫລວດຂົ້ວໂລກຂອງຈີນຢູ່ນະຄອນຊຽງໄຮ້.
ເທື່ອນີ້ກອງສຳຫລວດລວມໄດ້ສຳເລັດຫນ້າທີ່ການສຳຫລວດວິທະ ຍາສາດ 46 ລາຍແລະຫນ້າທີ່ອຳນວຍຄວາມສະດວກ 11 ລາຍ. ໃນວັນທີ 12 ມັງກອນປີ 2008, ສະມາຊິກກອງສຳຫລວດ 17 ຄົນໄດ້ປິນຂຶ້ນໄປຮອດຈຸດສູງສຸດຂອງຝານ້ຳກ້າມແຜ່ນດິນຂົ້ວໂລກໃຕ້ທີ່ສູງກວ່າຫນ້ານ້ຳທະເລ 4093 ແມັດເປັນຄັ້ງທີສອງໃນປະຫວັດ ສາດມວນມະນຸດ,ໄດ້ຮັບຫມາກຜົນທີ່ຜູ່ອື່ນບໍ່ເຄີຍມີມາກ່ອນໃນຂົງເຂດວິທະຍາສາດແນວຫນ້າ.
ໃນການສຳຫລວດຂົ້ວໂລກໃຕ້, ກຳປັ່ນຊຸຍລົງໄດ້ຊ່ວຍຂົນສົ່ງວັດສະດຸກໍ່ສ້າງໃຫ້ສະຖານີສຳຫລວດຂອງສາທາລະນະລັດເກົາຫລີ;ໃນການສຳຫລວດແຜ່ນດິນຂົ້ວໂລກໃຕ້, ຈີນໄດ້ຮ່ວມມມືກັບອົງການຄົ້ນຄວ້າຂອງອົສຕຼາລີແລະອາເມລິກາ, ຕິດຕັ້ງອຸປະກອນສັງເກດດາລາສາດ ຟິຊິກຫນ່ວຍໂລກແລະເຄື່ອງວັດແທກອຸຕຸນິຍົມ,ເຮັດໃຫ້ການສຳຫລວດຂົ້ວໂລກໃຕ້ຂອງຈີນໄດ້ມີການຮ່ວມມືກັບສາກົນຢ່າງກວ້າງຂວາງ.
|
|
|
