|
ສື່ມວນຊົນຕ່າງປະເທດຈຳນວນໜຶ່ງສຳນຶກຄືນຕໍ່ການກະທຳບໍ່ສະຫຼາດຂອງບຸກຄົນຝ່າຍຕາເວັນຕົກຈຳນວນໜ້ອຍໃນການສົ່ງຕໍ່ທວນໄຟງານກິລາໂອລິມປິກ
cri
ຕາມຂ່າວ CRI: ຫວ່າງມໍ່ໆນີ້, ສື່ມວນຊົນຕ່າງປະເທດຈຳນວນໜຶ່ງເລີ່ມສຳນຶກຄືນໃໝ່ຕໍ່ການກະທຳບໍ່ສະຫຼາດຂອງປະຊາຊົນແລະຜູ້ນຳປະເທດຝ່າຍຕາເວັນຕົກຈຳນວນໜຶ່ງໃນການສົ່ງຕໍ່ທວນໄຟງານກິລາໂອລິມປິກ.
ໜັງສືພິມກູຟນິວສ ໜັງສືພິມພາສາອັງກິດໃຫຍ່ທີ່ສຸດຂອງເຂດອ່າວເປີເຊຍສະບັບວັນທີ 14 ເມສານີ້ໄດ້ພິມບົດຄວາມວິຈານໂດຍຂຽນວ່າ: ຈີນຈັດງານກິລາໂອລິມປິກ ຄືວ່າໄດ້ໃຫ້ໂອກາດແກ່ຜູ້ນຳປະເທດຝ່າຍຕາເວັນຕົກຈຳນວນໜ້ອຍໃນການສະແດງມາດຕະຖານມະນຸດສະທຳ, ຫຼັກການສິດທິມະນຸດແລະທ່າທີອວດອົ່ງຂອງຕົນ. ແຕ່ວ່າ, ນອກຈາກຈະທຳລາຍງານກິລາມະໂຫລານທີ່ 4 ປີຈັດຂຶ້ນເທື່ອໜຶ່ງທີ່ປະຊາຊົນສາມັນແລະນັກກິລາປະເທດຕ່າງໆຄອງຄອຍນັ້ນແລ້ວ, ບໍ່ມີຄວາມໝາຍຈັກເມັດ.
ໜັງສືພິມເດິວອລສຕຣິດໂຈໂນນ ສະບັບວັນທີ 15 ເມສານີ້ໄດ້ພິມບົດສຳພາດນາງຊູຊານ ບຼາງເນວ ນັກປາດອາເມລິກາທີ່ຢູ່ຈີນ. ນາງເຫັນວ່າ, ຄົນຝ່າຍຕາເວັນຕົກຈຳນວນໜຶ່ງເບີ່ງຂ້າມຄວາມກ້າວໜ້າຂອງຈີນທີ່ໄດ້ຮັບໃນຫຼາຍປີທີ່ຜ່ານມາ. ນາງເວົ້າວ່າ, ຢູ່ຈີນ, ທ່ານຈະໄດ້ເຫັນຄວາມກະຕືລືລົ້ນອັນຕັ້ງໜ້າ, ອຸດົມຄະຕິແລະຄວາມໝັ້ນໃຈເຕັມປ່ຽມຕໍ່ອະນາຄົດ. ແຕ່ວ່າ, ເມື່ອທ່ານສັງເກດເບີ່ງຕ່າງປະເທດ, ພາບພົດຂອງຈີນພັດຖືກທຳຮ້າຍແລ້ວ.
|
|
