|
|
 |
| (GMT+08:00)
2008-04-16 15:53:53
|
 |
|
ການພົບປະລະຫວ່າງທ່ານຫູຈີນທາວກັບທ່ານເຊຍວ້ານຊາງມີຄວາມຫມາຍຕັ້ງຫນ້າທີ່ສຳຄັນ
cri
ຕາມຂ່າວ cri:ວັນທີ 16 ເມສານີ້ ຢູ່ປັກກິ່ງ,ທ່ານລີເວີຍອີ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນກ່າວວ່າ, ທ່ານຫູຈີນທາວກັບທ່ານເຊຍວ້ານຊາງພົບປະກັນຢູ່ເມືອງໂປອາວຂອງແຂວງໄຫຫລຳ,ມີຄວາມຫມາຍຕັ້ງຫນ້າທີ່ສຳຄັນທີ່ສຸດຕໍ່ການປົວແປງແລະຂະຫຍາຍການພົວພັນລະຫວ່າງສອງຝັ່ງຊ່ອງແຄບແລະຊຸກຍູ້ການຮ່ວມມືເສດຖະກິດລະຫວ່າງສອງຝັ່ງໃຕ້ສະຖານະການໃຫມ່.
ທ່ານລີເວີຍອີແມ່ນໃຫ້ທັດສະນະດັ່ງກ່າວໃນກອງປະຊຸມຂ່າວທີ່ຫ້ອງການວຽກງານໄຕ້ຫວັນຈັດຂຶ້ນ.ທ່ານຊີ້ອອກວ່າ, ໃຕ້ສະພາບການໃຫມ່, ເມື່ອສອງຝ່າຍພ້ອມກັນພະຍາຍາມ, ຜ່ານການປຶກສາຫາລືກັນ, ການບິນໂດຍກົງລະຫວ່າງສອງຝັ່ງແລະປະຊາຊົນຢູ່ແຜ່ນດິນໃຫຍ່ໄປທ່ອງທ່ຽວຢູ່ໄຕ້ຫວັນຈະບັນລຸຜົນເປັນຈິງໂດຍໄວໄດ້.
ໃນກອງປະຊຸມຂ່າວ, ນາງຕິ່ງລູ້ ຫົວຫນ້າກົມການເສັງດ້ານຕຸລາການຂອງກະຊວງຕຸລາການຈີນເຜີຍແຜ່ວ່າ, ເລີ່ມແຕ່ປີນີ້ໄປ, ຄົນໄຕ້ຫວັນທີ່ສອດຄ່ອງກັບເງື່ອນໄຂດ້ານຖານະແລະດ້ານການສຶກກໍ່ສາສາມາດເຂົ້າຮ່ວມການເສັງດ້ານຕຸລາການຂອງແຜ່ນດິນໃຫຍ່,ກະຊວງຕຸລາການຈະເລືອກເອົາຕົວເມືອງດ່ານຊາຍແດນທີ່ເຫມາະສົມ, ຈັດຕັ້ງບ່ອນສະເຫນີຊື່ແລະບ່ອນເສັງໂດຍສະເພາະ.
|
|
|
