|
|
 |
| (GMT+08:00)
2008-04-16 16:01:04
|
 |
|
"ຂ້າພະເຈົ້າຍິນດີໂຄສະນາຈີນຕໍ່ຄົນຫຼາຍກວ່າເກົ່າ"——ສຳພາດຜູ້ຊ່ຽວຊານບັນຫາຈີນຂອງເບຼຊິນ
cri
ຕາມຂ່າວ CRI: ຫຼັງຈາກເຫດການຈະລາຈົນ "14 ມີນາ" ເກີດຂຶ້ນຢູ່ນະຄອນລາຊາ ເທດສະບານຂອງເຂດຕິເບດຈີນແລ້ວ, ສື່ມວນຊົນຝ່າຍຕາເວັນຕົກຈຳນວນໜຶ່ງໄດ້ລາຍງານຂ່າວເລື່ອງນີ້ຢ່າງປິດເບືອນຄວາມຈິງແລະລາຍງານຂ່າວເທັດ, ເຮັດໃຫ້ບຸກຄົນຜູ້ມີຄວາມຮູ້ຕ່າງປະເທດຫຼາຍຄົນຄຽດແຄ້ນແລະກ່າວປະນາມຢ່າງຮຸນແຮງ. ຫວ່າງມໍ່ໆນີ້, ນັກຂ່າວ CRI ພວກເຮົາໄດ້ສຳພາດທ່ານຄາໂລສ ທາວາເຣັສ ຜູ້ຊ່ຽວຊານບັນຫາຈີນຂອງເບຼຊິນ, ທ່ານເຫັນວ່າ, ບັນຫາຕິເຂດແມ່ນວຽກງານພາຍໃນຂອງຈີນ, ການລາຍງານຂ່າວຂອງສື່ມວນຊົນຝ່າຍຕາເວັນຕົກຈຳນວນໜຶ່ງມີລັກສະນະຫຼອກລວງ.
ທ່ານທາວາເຣັສເຫັນວ່າ, ໃນເວລາລາຍງານຂ່າວກ່ຽວກັບການກະທຳລົບກວນການສົ່ງຕໍ່ທວນໄຟງານກິລາໂອລິມປິກຂອງພວກຕິເບດເອກະລາດ, ສື່ມວນຊົນຝ່າຍຕາເວັນຕົກຈຳນວນໜຶ່ງມີປະກົດການເວົ້າໂຍກ. "ທີ່ຈິງແລ້ວ, ໃນການສົ່ງຕໍ່ທວນໄຟງານກິລາໂອລິມປິກ,ມີແຕ່ຄົນໜຶ່ງສອງຄົນຢາກຍາດເອົາທວນໄຟ, ສື່ມວນຊົນພັດເວົ້າໂຍກ. ທີ່ຈິງແລ້ວ,ຄົນທັງຫຼາຍ, ບໍ່ວ່າຄົນເບຼຊິນຫຼືຄົນຝະຣັ່ງ, ລ້ວນແຕ່ຮູ້ວ່າ, ແມ່ນຜູ້ຕິດຕາມກຸ່ມດາໄລລະມາລົບກວນແລະທຳລານການສົ່ງຕໍ່ທວນໄຟງານກິລາໂອລິມປິກ."
ກ່ອນໜ້ານີ້,ພະດາໄລລາມະເຄີຍກ່າວວ່າ ບໍ່ເຫັນດີນຳການເຄື່ອນໄຫວໃຊ້ກຳລັງຮຸນແຮງ,ທ່ານຕາວາເຣັສເຫັນວ່າ,ນີ້ແມ່ນຂັດແຍ່ງກັນຢ່າງເຖິງຖອງກັບການກະທຳຂອງເຂົາ.ທ່ານກ່າວວ່າ:"ຄຳເວົ້າຂອງເຂົາແມ່ນຂັດແຍ່ງກັບການກະທຳຂອງເຂົາ.ຖ້າວ່າພະດາໄລລາມາແມ່ນຜູ້ນຳສາດສະໜາ, ຖ້າວ່າເຂົາສະໜັບສະໜູນການເຄື່ອນໄຫວສັນຕິພາບ,ຄັດຄ້ານໃຊ້ກຳລັງຮຸນແຮງ,ເຂົາກໍບໍ່ຄວນປ່ອຍໃຫ້ການເຄື່ອນໄຫວໃຊ້ກຳລັງຮຸນແຮງເກີດຂຶ້ນ,ບໍ່ຄວນປ່ອຍໃຫ້ພະສົງຈຳນວນໜ້ອຍທີ່ສຸດກໍ່ເຫດການໃຊ້ກຳລັງຮຸນແຮງຢູ່ລາຊາ,ຄວນອອກໜ້າແກ້ໄຂບັນຫາຫຼືວ່າສະເໜີຄວາມຮຽກຮ້ອງໂດຍສັນຕິ."
ທ່ານຕາວາເຣັສເຫັນວ່າ,ພາລະກິດວັດທະນະທຳຂອງຕິເບດພວມກ້າວໄປໜ້າຢ່າງບໍ່ຢຸດ ຢັ້ງ.ທ່ານກ່າວວ່າ:"ແຕ່ກ່ອນການສຶກສາມີແຕ່ພະສົງຮັບໄດ້ທໍ່ນັ້ນ,ນັບແຕ່ຕິເບດຮັບການປົດປ່ອຍໃນປີ1950ມານີ້,ປະຊາຊົນຕິເບດທຸກຖ້ວນໜ້າຈຶ່ງສາມາດໄດ້ຮັບການສຶກສາແລ້ວ.ສະນັ້ນ,ພາລະກິດວັດທະນະທຳຂອງຕິເບດຈຶ່ງໄດ້ກ້າວໄປໜ້າຢ່າງບໍ່ຢຸດຢັ້ງ."
ເພື່ອຫຼຸດໜ້ອຍຄວາມເຂົ້າໃຈຜິດທີ່ມີຕໍ່ຈີນຂອງປະຊາຊົນຝ່າຍຕາເວັນຕົກ ໂດຍສະເພາະແມ່ນປະຊາຊົນອັກຊັງຕິນ,ທ່ານຕາວາເຣັສໄດ້ເຮັດວຽກງານຢ່າງຫຼວງຫຼາຍໃນດ້ານໂຄສະ ນາຈີນແລະໂຄສະນາຕິເບດ.ທ່ານຮັບຮອງວ່າ,ວຽກງານນີ້ລຳບາກຫຼາຍ."ວຽກງານນີ້ຍາກຫຼາຍແທ້.ຂ້າພະເຈົ້າຍິນດີໂຄສະນາຈີນຕໍ່ຄົນຫຼາຍກວ່າເກົ່າ,ຂ້າພະເຈົ້າໄດ້ຂຽນປື້ມ5ເຫຼັ້ມ ກ່ຽວກັບຈີນ.ຍ້ອນວ່າມີຄົນຈຳນວນບໍ່ໜ້ອຍມີອະຄະຕິຕໍ່ຈີນຍ້ອນຈຸດປະສົງການເມືອງຫຼືວ່າສາເຫດສາດສະໜາ,ສະນັ້ນ,ປະຊາຊົນຫຼາຍຄົນຈຶ່ງບໍ່ສາມາດຮັບຮູ້ຈີນຢ່າງແທ້ຈິງ.ແຕ່ມີຂ່າວດີໜຶ່ງແມ່ນ,ໃນປີ2007,ລວມມີຄົນເບຼຊິນ6ໝື່ນ1ພັນຄົນໄປທ່ຽວປະເທດຈີນ,ຫຼາຍກວ່າປີ2006 40%.ສາມາດເວົ້າໄດ້ວ່າ,ພວກເຮົາກຳລັງຜ່ານຜ່າອະຄະຕິຕໍ່ຈີນເທື່ອລະກ້າວ,ຂ້າພະເຈົ້າເຊື່ອໝັ້ນວ່າ,ຈະມີຄົນຫຼາຍກວ່າເກົ່າໄປຮູ້ຈັກຈີນດ້ວຍຄວາມປາຖະໜາທີ່ດີ."
|
|
|
