|
|
 |
| (GMT+08:00)
2008-04-17 10:46:47
|
 |
|
ປາເລັສຕິນກັບອິສຣາແອນເກີດການປະທະກັນເຮັດໃຫ້ຫຼາຍຄົນຕາຍແລະບາດເຈັບ
cri
Author: m
ຕາມຂ່າວ CRI: ວັນທີ 16 ເມສານີ້, ປາເລັສຕິນກັບອິສຣາແອນໄດ້ເກີດການປະທະກັນຢູ່ເຂດກາຊາ, ເຮັດໃຫ້ຜູ້ປະກອບອາວຸດປາເລັສຕິນ 4 ຄົນແລະທະຫານອິສຣາແອນ 3 ຄົນເສຍຊີວິດ. ຫຼັງຈາກນັ້ນ, ທະຫານອິສຣາແອນກໍຫຼອນໂຈມຕີຄ້າຍຊາວອົບພະຍົບບູເຣຈີທີ່ຕັ້ງຢູ່ໃຈກາງເຂດກາຊາທາງອາກາດ, ເຮັດໃຫ້ປະຊາຊົນປາເລັສຕິນ 10 ຄົນເສຍຊີວິດເຊິ່ງລວມທັງເດັກນ້ອຍ 3 ຄົນ, ໃນນັ້ນຍັງລວມທັງທ່ານຟາເດວ ຊານາ ນັກຂ່າວຂ່າວສານລອຍເຕີຂອງອັງກິດ.
ວັນທີ 16 ເມສານີ້, ທ່ານບັນກີມຸນໄດ້ອອກຖະແຫຼງການກ່າວປະນາມການເຄື່ອນໄຫວທາງການທະຫານຂອງອິສຣາແອນທີ່ເຮັດໃຫ້ປະຊາຊົນປາເລັສຕິນເສຍຊີວິດແລະບາດເຈັບ, ແລະຮຽກຮ້ອງໃຫ້ອິສຣາແອນເຄົາລົບກົດໝາຍມະນຸດສະທຳສາກົນ. ພ້ອມກັນນັ້ນ, ທ່ານກໍ່ໄດ້ກ່າວປະນາມປາເລັສຕີນທີ່ຫຼອນໂຈມຕີປະຊາຊົນສາມັນອິສຣາແອນດ້ວຍຈະຫຼວດ.
ນອກນີ້, ຍັງມີຂ່າວແຈ້ງວ່າ, ມື້ດຽວກັນ, ທ່ານອາມ ມູຊາ ເລຂາທິການໃຫຍ່ສັນນິບາດອາຣັບຊີ້ອອກວ່າ, ນະໂຍບາຍຈຸດຕັ້ງຖິ່ນຖານທີ່ອິສຣາແອນຍຶດໝັ້ນນັ້ນແມ່ນບັນຫາຕົ້ນຕໍທີ່ຂັດຂວາງຂະບວນການສັນຕິພາບຕາເວັນອອກາງໃຫ້ພັດທະນາໄປໜ້າ.
|
|
|
