|
|
 |
| (GMT+08:00)
2008-04-17 11:07:51
|
 |
|
ທວນໄຟງານກິລາໂອລິມປິກປັກກິ່ງເດີນທາງຮອດນິວເດັນລີແລ້ວ
cri
ຕາມຂ່າວ CRI: ເວລາ 1 ໂມງວັນທີ 17 ເມສານີ້ຕາມເວລາທ້ອງຖິ່ນ, ຍົນພິເສດທີ່ບັນທຸກທວນໄຟສັກສິດງານກິລາໂອລິມປິກປັກກິ່ງໄດ້ເດີນທາງຈາກອິສລາມມາບັດ ນະຄອນຫຼວງປາກີສະຖານໄປຮອດນິວເດັນລີ ນະຄອນຫຼວງອິນເດຍ, ເລີ່ມຕົ້ນການເຄື່ອນໄຫວຢູ່ແຫ່ງທີ 11 ໃນການສົ່ງຕໍ່ທວນໄຟງານກິລາໂອລິມປິກປັກກິ່ງ.
ທ່ານຈຽງຊ້ຽວອີ ຮອງປະທານບໍລິຫານຄະນະກຳມະການຈັດຕັ້ງງານກິລາໂອລິມປິກປັກກິ່ງຖືເຊື້ອໄຟສັກສິດຂອງງານກິລາໂອລິມປິກຍ່າງອອກຈາກຍົນ, ທ່ານຈ່າງອຽນ ເອກອັກຄະລັດຖະທູດຈີນປະຈຳອິນເດຍ, ທ່ານຊູເຣສ ຄາມາດີ ປະທານຄະນະກຳມະການໂອລິມປິກອິນເດຍໄດ້ໄປຕ້ອນຮັບທວນໄຟຢູ່ສະໜາມບິນ.
ການສົ່ງຕໍ່ທວນໄຟຂອງງານກິລາໂອລິມປິກປັກກິ່ງຈະເລີ່ມດຳເນີນໃນ 16 ໂມງວັນທີ 17 ເມສາຕາມເວລາທ້ອງຖິ່ນ, ການສົ່ງຕໍ່ທວນໄຟຈະເດີນທາງຈາກທຳນຽບປະທານາທິບໍດີທີ່ຢູ່ໃຈກາງນະຄອນຫຼວງນິວເດັນລີ, ໄປສຸດຢູ່ປະຕູອິນເດຍເຊິ່ງເປັນສິ່ງກໍ່ສ້າງທີ່ເປັນສັນຍາລັກຂອງນິວເດັນລີ. ຈະມີ 70 ຄົນເຂົ້າຮ່ວມການສົ່ງຕໍ່ທວນໄຟ, ໃນນັ້ນລວມທັງນັກກິລາ 47 ຄົນ.
1 2 3
|
|
|
