|
|
 |
| (GMT+08:00)
2008-04-18 11:02:26
|
 |
|
"ສະມາຄົມຊາວໜູ່ມຕິເບດ" ຈາກການໃຊ້ກຳລັງຮຸນແຮງກາຍເປັນການໃຊ້ວິທີກໍ່ການຮ້າຍ
cri
ຕາມຂ່າວສານຊິ່ນຮວາ: ໜັງສືພິມເຢິນມິນຢື້ປ້າວ ສຽງຂອງສູນກາງພັກກອມມູນິດຈີນສະບັບວັນທີ 18 ເມສານີ້ພິມບົດຄວາມຊີ້ອອກວ່າ, ອົງການຫົວຮຸນແຮງ "ສະມາຄົມຊາວໜູ່ມຕິເບດ" ໄດ້ຈາກການໃຊ້ກຳລັງຮຸນແຮງກາຍເປັນການໃຊ້ວິທີກໍ່ການຮ້າຍແລ້ວ. ຫວ່າງມໍ່ໆນີ້, ໃນເວລາໃຫ້ສຳພາດຕໍ່ນັກຂ່າວຕ່າງປະເທດ, ເຊວາງ ຣິກຈິນ ປະທານ "ສະມາຄົມຊາວໜູ່ມຕິເບດ" ໄດ້ເວົ້າຄວາມເວົ້າທີ່ເຮັດໃຫ້ຄົນຕື່ນຕົກໃຈວ່າ: "ເວົ້າສຳລັບພາລະກິດຕິເບດເອກະລາດແລ້ວ, ການໃຊ້ລະເບີດມັດໃສ່ຮ່າງກາຍຄົນແບບສະຫຼະຊີບແມ່ນທິດຂະຫຍາຍຕົວໃນອະນາຄົດ."
ບົດຄວາມຊີ້ອອກວ່າ, ນັບແຕ່ "ສະມາຄົມຊາວໜູ່ມຕິເບດ" ສ້າງຕັ້ງຂຶ້ນເປັນຕົ້ນມາ, ເຂົາເຈົ້າກໍ່ໄດ້ຈັດຊຸດອົບຮົມປະເພດຕ່າງໆ, ເຊິ່ງລວມທັງສົງຄາມກອງຫຼອນ, ຊຸດອົບຮົມເຕັກນິກລະເບີດເປັນຕົ້ນ, ກໍ່ເຫດການຈະລາຈົນທີ່ເຮັດໃຫ້ຄົນຕື່ນຕົກໃຈຢ່າງບໍ່ຢຸດຢັ້ງ, ຈົນກະທັ້ງໂຈມຕີນັກສົ່ງຕໍ່ທວນໄຟຄົນພິການຢ່າງໂຫດຮ້າຍຢູ່ຕໍ່ໜ້າທົ່ວໂລກ. ໃນເຫດການ "14 ມີນາ", ເຂົາເຈົ້າເຜົາປະຊາຊົນສາມັນ, ເຜົາຮ້ານຄ້າ, ແລະຍັງໄດ້ກຽມປືນຫຼາຍຮ້ອຍກະບອກ, ລູກປືນຫຼາຍໝື່ນນັດ, ລະເບີດຫຼາຍພັນກິໂລເພື່ອກໍ່ເຫດການສັງຫານທີ່ຮຸນແຮງກວ່າເກົ່າ, ແລະປ່າວຂ່າວວ່າເພື່ອເອົາຊະນະຢ່າງເຖິງຖອງ, ຢ່າງໜ້ອຍເຂົາເຈົ້າຢາກ "ສະຫຼະຊີບຄົນຕິເບດອີກ 100 ຄົນ".
ບົດຄວາມຊີ້ອອກວ່າ, ລັດທິກໍ່ການຮ້າຍແມ່ນສັດຕູຮ່ວມກັນຂອງສັນຕິພາບແລະການພັດທະນາຂອງມວນມະນຸດ. ແຕ່ການເຄື່ອນໄຫວປະກອບກຳລັງຮຸນແຮງຂອງ "ສະມາຄົມຊາວໜູ່ມຕິເບດ" ພັດສາມາດໄດ້ຮັບການສະໜັບສະໜູນຈາກສື່ມວນຊົນແລະເຈົ້າໜ້າທີ່ຝ່າຍຕາເວັນຕົກຈຳນວນໜຶ່ງມາໂດຍຕະຫຼອດ, ເຮັດໃຫ້ເຂົາເຈົ້າສາມາດຈາກໃຊ້ກຳລັງຮຸນແຮງມາກາຍເປັນໃຊ້ວິທີກໍ່ການຮ້າຍ.
|
|
|
