|
|
 |
| (GMT+08:00)
2008-04-18 12:21:31
|
|
ອີຣັກເກີດການລະເບີດແບບສະຫຼະຊີບເຮັດໃຫ້60ກວ່າຄົນຕາຍແລະບາດເຈັບ
cri
|
ຕາມຂ່າວສານຊິ່ນຮວາ: ວັນທີ 17 ເມສານີ້, ຕຳຫຼວດອີຣັກກ່າວວ່າ, ຕອນເຊົ້າມື້ດຽວກັນ, ໃນພິທີປົງສົບຢູ່ບ້ານໜຶ່ງຂອງແຂວງດີຢາລາອີຣັກໄດ້ເກີດການຫຼອນໂຈມຕີດ້ວຍລະເບີດແບບສະຫຼະຊີບ,ຢ່າງໜ້ອຍເຮັດໃຫ້33ຄົນຕາຍ,30ຄົນບາດເຈັບ.
ເຈົ້າໜ້າທີ່ຕຳຫຼວດແຂວງຊາລາເຮດິນອີຣັກກ່າວວ່າ, ເວລາລະເບີດ, ຊາວບ້ານທ້ອງຖິ່ນກຳລັງຈັດພິທີປົງສົບຂອງສະມາຊິກສອງຄົນຂອງ "ຄະນະກຳມະການຕື່ນຕົວຫຼືເອິເວີຍເຄິນິງ" ຂອງທ້ອງຖິ່ນນັ້ນທີ່ຖືກຫຼອນໂຈມຕີຕາຍໃນສອງມື້ກ່ອນ,ຜູ້ໂຈມຕີແບບສະຫຼະຊີບຜູ້ໜຶ່ງໄດ້ຈູດລະເບີດທີ່ມັດໃສ່ຮ່າງກາຍໃນພິທີປົງສົບ,ຜູ້ຕາຍແລະບາດເຈັບບໍ່ໜ້ອຍກໍ່ແມ່ນສະມາຊິກຂອງຄະນະກຳມະການດັ່ງກ່າວ.
"ຄະນະກຳມະການຕື່ນຕົວ" ແມ່ນອົງການທະຫານລາດປະກອບອາວຸດທີ່ຖືນິກາຍຊຸນນິເປັນຕົ້ນຕໍ,ຮ່ວມມືກັບທະຫານອາເມລິກາປະຈຳອີຣັກແລະກອງທັບປ້ອງກັນຄວາມປອດໄພລັດຖະບານອີຣັກໂຈມຕີສະມາຊິກອົງການອານເຄດາ.
|
|
|
