|
|
 |
| (GMT+08:00)
2008-04-18 14:17:58
|
 |
|
ການເຈລະຈາລຽງໂຈ່ວຢັ້ງຢືນໃຫ້ເຫັນວ່າຕິເບດແມ່ນພາກສ່ວນໜຶ່ງທີ່ຕັດແຍກອອກຈາກດິນແດນຂອງຈີນບໍ່ໄດ້
cri
ຂ່າວສານຊິນຮວາ,ທ່ານຟານປາວລຽງ ສາສະດາຈານຄະນະປະຫວັດສາດມະຫາວິທະຍາໄລລານໂຈ່ວໄດ້ຄົ້ນຄວ້າປະຫວັດສາດຂອງຕິເບດມາແຕ່ຊຸມປີ1970,ທ່ານກ່າວວ່າ,ເຫດການສຳຄັນໃນປະຫວັດສາດຄືການເຈລະຈາລຽງໂຈ່ວໄດ້ຢັ້ງຢືນໃຫ້ເຫັນວ່າຕິເບດແມ່ນພາກສ່ວນໜຶ່ງທີ່ຕັດແຍກອອກຈາກດິນແດນຈີນບໍ່ໄດ້.
ທ່ານຟານປາວລຽງກ່າວວ່າ,ປະຫວັດອັນຍາວນານຂອງຈີນແມ່ນປະຊາຊົນບັນດາເຜົ່າພາຍໃນປະເທດຈີນຮ່ວມກັນສ້າງຂຶ້ນ.ປີຄ.ສ.1247,ຄວາມສຳເລັດຂອງການເຈລະຈາລຽງໂຈ່ວລະຫວ່າງຜູ່ນຳເຜົ່າມົງໂກນກັບເຜົ່າຕິເບດນັ້ນເປັນຫຼັກຖານທີ່ຢັ້ງຢືນວ່າເຜົ່າມົງໂກນແລະເຜົ່າຕິເບດປະກອບສ່ວນອັນສຳຄັນຂອງໃຜລາວເພື່ອຊຸກຍູ້ຄວາມສາມັກຄີແລະຄວາເປັນເອກະພາບຂອງປະຊາຊາດຈີນແລະຮ່ວມກັນສ້າງປະຫວັດສາດຂອງປະເທດຊາດ.
ເນື້ອໃນກ່ຽວກັບບັນຫາ ຕິເບດໃນການເຈລະຈາມີດັ່ງນີ້:ເຈົ້າໜ້າທີ່ພະສົງແລະປະຊາຊົນຂອງຕິເບດຕ້ອງຍອມຮັບວ່າໂຕເອງເປັນບ່າວໄພ່ລາຊະດອນຂອງເຈົ້າຊີວິດມົງໂກນ.ວຽກງານທາງບໍລິຫານທຸກດ້ານທີ່ກ່ຽວພັນກັບເຈົ້າໜ້າທີ່ພະສົງແລະປະຊາຊົນແຫ່ງຕ່າງໆຂອງຕິເບດຕ້ອງໃຫ້ມົງໂກນແຕ່ງຕັ້ງເຈົ້າໜ້າທີ່ເປັນຜູ່ຄຸ້ມຄອງ.ວຽກງານກ່ຽວກັບສາສະໜາແລະພະສົງໃນວັດຕ່າງໆແມ່ນໃຫ້ມົງໂກນມອບໝາຍໃຫ້ຜູ່ນຳສາສະໜາຂອງຕິເບດເປັນຜູ່ຄຸ້ມຄອງ.
ທ່ານຟານປາວລຽງກ່າວວ່າ,ຜົນສະທ້ອນອັນເລິກເຊິ່ງຍາວໄກຂອງການເຈລະຈາລຽງໂຈ່ວກໍ່ແມ່ນຕິເບດກາຍເປັນດິນແດນທີ່ຕັດແຍກອອກຈາກຈີນບໍ່ໄດ້,ປະເທດເອກະພາບທີ່ມີຫຼາຍຊົນເຜົ່າຍິ່ງໝັ້ນຄົງກວ່າເກົ່າ.
|
|
|
