|
|
 |
| (GMT+08:00)
2008-04-18 14:27:31
|
 |
|
ລັດຖະມົນຕີການຕ່າງປະເທດຈີນເຈລະຈາກັບລັດຖະມົນຕີການຕ່າງປະເທດຍີ່ປຸ່ນ
cri
|
ຕາມຂ່າວ CRI: ວັນທີ 17 ເມສານີ້, ຢູ່ໂຕກຽວ ນະຄອນຫຼວງຍີ່ປຸ່ນ, ທ່ານຢາງເຈຍຊຶ ລັດຖະມົນຕີວ່າການກະຊວງການຕ່າງປະເທດຈີນທີ່ພວມຢ້ຽມຢາມຢ່າງເປັນທາງການຢູ່ຍີ່ປຸ່ນໄດ້ຈັດການພົບປະເຈລະຈາກັບທ່ານໂຄອູມູຣາ ມາຊາຮີໂຄ ລັດຖະມົນຕີວ່າການກະຊວງການຕ່າງປະເທດຍີ່ປຸ່ນ, ສອງຝ່າຍໄດ້ຕີລາຄາຢ່າງຕັ້ງໜ້າຕໍ່ການພົວພັນລະຫວ່າງຈີນກັບຍີ່ປຸ່ນ.
ທ່ານຢາງເຈຍຊຶກ່າວວ່າ, ປີນີ້ແມ່ນຈີນກັບຍີ່ປຸ່ນເຊັນສັນຍາສັນຕິພາບໄມຕີຈິດຄົບຮອບ 30 ປີ, ການພົວພັນລະຫວ່າງສອງປະເທດພວມຢູ່ຈຸດເລີ່ມຕົ້ນໃໝ່ໃນປະຫວັດສາດ, ແລະປະເຊີນໜ້າກັບໂອກາດອັນສຳຄັນເພື່ອຂະຫຍາຍຕົວຕື່ມອີກ. ທ່ານກ່າວວ່າ, ທ່ານຫູຈີນທາວ ປະທານປະເທດຈີນຈະດຳເນີນການຢ້ຽມຢາມລັດຖະກິດຕໍ່ຍີ່ປຸ່ນໃນໄວໆນີ້. ຈີນຫວັງໃຫ້ຜ່ານການຢ້ຽມຢາມຄັ້ງປະຫວັດການນີ້, ສາມາດບັນລຸຄວາມເຫັນເປັນເອກະສັນກັນໃນດ້ານຕ່າງໆ, ເຊັ່ນ: ການເພີ່ມຄວາມໄວ້ເນື້ອເຊື່ອໃຈກັນທາງຍຸດທະສາດ, ລົງເລິກການຮ່ວມມືທີ່ຕ່າງຝ່າຍຕ່າງໄດ້ຮັບຜົນປະໂຫຍດ, ເພີ່ມທະວີການແລກປ່ຽນແລະປະສານງານໃນວຽກງານພາກພື້ນແລະສາກົນເປັນຕົ້ນ, ເຮັດໃຫ້ການພົວພັນລະຫວ່າງສອງປະເທດກ້າວເຂົ້າໃນວົງໂຄຈອນທີ່ປອດໃສໝັ້ນທ່ຽງໃນໄລຍະຍາວນານ.
ທ່ານໂຄອູມູຣາ ມາຊາຮີໂຄກ່າວວ່າ, ຍີ່ປຸ່ນຄອງຄອຍທ່ານປະທານຫູຈີນທາວດຳເນີນການຢ້ຽມຢາມລັດຖະກິດຕໍ່ຍີ່ປຸ່ນ, ແລະອວຍພອນໃຫ້ງານກິລາໂອລິມປິກປັກກິ່ງຈົ່ງໄດ້ຮັບຜົນສຳເລັດເຕັມເມັດເຕັມໜ່ວຍ.
|
|
|
