|
|
 |
| (GMT+08:00)
2008-04-18 15:46:48
|
 |
|
ຈີນຈະຈັດສັບປະດາໂຄສະນາການປົກປ້ອງສິດຊັບສິນທາງປັນຍາປີ 2008
cri
Author: cai
ຕາມຂ່າວCRI:ວັນທີ 26 ເມສານີ້ແມ່ນວັນສິດຊັບສິນທາງປັນຍາໂລກ.ໃນກອງປະຊຸມຂ່າວທີ່ກົມສິດຊັບສິນທາງປັນຍາແຫ່ງຊາດຈີນຈັດຂຶ້ນໃນວັນທີ 18 ເມສານີ້,ນັກຂ່າວໄດ້ຊາບວ່າ,ຈີນຈະຈັດກິດຈະກຳສັບປະດາໂຄສະນາການປົກປ້ອງສິດຊັບສິນທາງປັນຍາປີ 2008 ຢູ່ນະຄອນຫຼວງປັກກິ່ງແລະນະຄອນຊຽງໄຮ້ພ້ອມກັນໃນລະຫວ່າງວັນທີ 20 ຫາວັນທີ 26 ເມສານີ້.
ໃນກອງປະຊຸມຂ່າວ,ທ່ານອີນຊີ່ນທ່ຽນ ໂຄສົກກົມສິດຊັບສິນທາງປັນຍາແຫ່ງຊາດຈີນກ່າວວ່າ,ລັດຖະບານຈີນໄດ້ພິຈາລະນາແລະຮັບຮອງໃນດ້ານຫຼັກການຕໍ່《ໂຄງຮ່າງຍຸດທະສາດສິດຊັບສິນທາງປັນຍາລະດັບຊາດ》.ໃນເວລາຍຸດທະສາດສິດຊັບສິນທາງປັນຍາລະດັບຊາດຈາກ"ການວາງແຜນ"ໄປສູ່"ການປະຕິບັດ",ການດຳເນີນກິດຈະກຳໂຄສະນາຕ່າງໆນັ້ນ,ຈະມີຜົນດີຕໍ່ການສ້າງບັນຍາກາດປົກປ້ອງສິດຊັບສິນທາງປັນຍາໃນສັງຄົມເປັນຢ່າງດີ,ແລະການເລັ່ງລັດບາດກ້າວຂອງຈີນໃນການສ້າງປະເທດປະດິດສ້າງ.
ໃນໄລຍະສັບປະດາໂຄສະນາ,ຈີນຈະຈັດເວທີປຶກສາຫາລືການປົກປ້ອງສິດຊັບສິນທາງປັນຍາທາງອາຍາ,ເຜີຍແຜ່ເຕັກນິກທີ່ມີສິດທິບັດຫຼ້າສຸດຕໍ່ສັງຄົມ,ແລະເລີ່ມດຳເນີນກິດຈະກຳຮັບປະກັນງານກິລາໂອລິມປິກໃນຕະຫຼາດວັດທະນະທຳຈີນ.
|
|
|
